CHAPITRE LXXXIV
Comment deux cardinaux feurent envoyés en France, pour la paix qui feut conclue, et cmpeschée du parfaire par k comte d'Erminacq et pluiseurs aultres.
En ce temps, vinrent en France, de par le Sainct-Père de Rome, deux cardinaulx pour mettre paix entre la royne et le duc de Bourgongne d’une part, et le roy et son fils d’aultre part ; et vinrent lesdits cardinaulx à Bray, où les ambassades d’une partie et d’aultre estoient, quy y avoient longuement esté, et ne se povoient trouver d'accord. Le cardinal de Sainct- Marc tantost après s’en alla à Paris, remonstrer au roy le bien que povoit venir de paix, et aultres pluiseurs choses touchant ceste matière; puis s’en retourna avec les aultres à Monstreau. Et convenoient ensemble comme tous les jours, en l'église de la Tombe, entre Bray et Monstreau. Et tant y besongnèrent que la paix y feut faicte et jurée par lesdits ambassadeurs, et mise par escript pour rapporter chacun à sa partie, assavoir s'ils le vouldroient tenir. Donc, quand le roy et le daulphin virent le traicté, il leur sembla bon ; mais le comte d'Erminacq, le chancellier de France, le prévost de Paris et Remonnet de la Guerre, dirent qu’ils ne conseilleroient jà de le passer, et que ce n’estoit pas bon pour le roy ; et dit le chancellier au roy que jà ne le scelleroit, et qu'il le scellast s’il vouloit. Desquelles paroles l’évesque de Paris et pluiseurs aultres notables gens feurent moult déplaisants, et conseillèrent au daulphin qu’il assemblast le conseil à son hostel au Louvre pour ouvyr l'opinion de pluiseurs. Le conseil feut assemblé ; mais le connestable n’y voult oncques aller, disant que tous ceulx estoient traistres qui conscilloient au roy de passer un tel traicté. Si que par ces moyens tout feut rompu ; et demeurtrent les choses en tel estat où elles estoicnt par avant, sans paix et sans trèves.
Pourquoy pluiseurs notables gens concurent
MÉMOIRES DE SAINT-REMY
[1417] grand’ haisne contre le connestable. Néanmoins
il envoya ses gens d’armes devant le Mont-le- ! Héry et devant Marcoussy ; et lui feurent ces
places renûues par ceulx qui les tenoient au
| nom du duc de Bourgongne.
