CHAPITRE LXXXV
Comment le scigneur de l'Isle-Adam, à l'aide de aucuns Parisiens, Cntra avec ses gens tenants la partie du duc de Bourgongne dedans Paris ; des désordres et occisions y perpétrés; comment la bastille feut rendue, et le scigneur de Chauny, qui estoit prisonnier, commis à la garde d'icelle.
Les Parisiens, mal contents du connestable et de ceux qui gouvernoient le roy, pource qu'ils avoient rompu le traicté de la paix, doubtoient estre longuement en grand’ tribulation. Toutefois ils ne se osoient assembler ny descouvrir à personne, tant estoient guettés de près; sinon que une fois, six ou huit compaignons de petit estat, lesquels s’en allèrent à Ponthoise secrètement devers le seigneur de l’Isle-Adam, et conclurent avec luy que, le dix-neuviesme jour de may, il viendroit avec plus de gens qu’il polroit à la porte de Sainct- Germain, et ils lui ouvriroient sans nulle faute. Il assembla gens de toutes parts, et fit tant qu'ils feurent bien huit cents combattants, entre lesquels estoient les plus principaulx, le Veau de Bar, le seigneur de Chastellus, le seigneur de Chevreuse, Ferry de Mailly, Loys de Wargnies, Lionnet de Bournonville, Daviot de Gouy et pluiseurs aultres; lesquels, par nuict, à l'heure et jour dessusdict, allèrent à la porte Sainct-Germain ; et là trouvèrent Périnet Ferron, un des huit dessusdits, quy celle nuict avoit emblé sous le chevet du lit de son père les clefs de ceste porte, que son père gardoit. Et estoient avec luy ses complices, lesquels ouvrirent ceste porte, parquoi les gens d'armes entrèrent dedans. Donc, quand ils feurent tous dedans, ledit Périnet referma la porte et jetta les clefs par-dessus les murs; puis allèrent tout coyement jusqu’assez près du Chastellet, où ils trouvèrent bien douze cents combattants des Parisiens pour aller avec eux; puis s’en allèrent par diverses rues, criants: que quiconque vouloit avoir la paix allassent en armes avec eux. Auquel cri se mirent en armes avec eulx grand nombre de peuple; et puis les uns s’en allèrent à l’hostel du roy, où ils rompirent les huis, et firent tant qu’ils parlèrent au roy, le-
quel feut content d’accorder tout ce qu’ils demandèrent. Et tantost le firent monter à cheval, avec luy le frère du roy de Chvyppre; et le firent chevaucher avec eux parmi la ville. Aueuns allèrent à l’hostel du connestable, mais il en feut advertiet se sauva en habit dissimulé et desguisé, en la maison d’un povre homme auprès de son hostel. Aucuns aultres s’en allèrent à l’hostel du chancellier et de Remonnet de la Guerre, lesquels feurent trouvés et saisis. Adonc s’avisa Tanneguy du Chastel, prévost de Paris, quand il ouyt l’effroy, d’aller à l’hostel du daulphin, et l’enveloppa en un linceul hastivement, et en ce point l’emporta en la bastille Sainct-Antoine, là où secrettement pluiseurs notables gens se retirèrent. Ainsi donc ceste nuict, le premier et le second jour ensuivant, iceulx gens de guerre et le peuple ne cessèrent de fuster les maisons des gouverneurs du roy et de leurs favorisants, prinrent tous leurs biens et pluiseurs prisonniers, et les mirent au Palais, au Louvre et au Chastelct, et en pluiseurs aultres lieux. Entre lesquels feurent les évesques de Senlis, de Bayeux et de Coustance ; messire Hector de Chartres, messire Enguerrand de Marcongnet, et autres sans nombre.
Le seigneur de l’Isle-Adam, après ces choses faictes, fit establir le Veaude Bar prévost de Paris, au lieu de Tanneguy du Chastel. Et à brief
dire, tous lesconseillersduroy,etaultrestenants .
la partie du comte d'Erminacq, feurent pillés, prins ou occis cruellement. Et avec ce feut crié de par le roy, à son de trompe, que tout homme ou femme quy scavoient aucuns tenants la partye du comte d'Erminacq, respons ! ou muchiés?, le noncassent au prévost, sous peine de confiscation de corps et de biens. Et tantost après le povre homme où estoit muchié le comte d'Erminacq, le alla noncer au prévost; lequel le alla prendre en ladite maison et le mena prisonnier au palais.
Entre ces choses, Tanneguy du Chastel trouva manière de envoyer le daulphin par Charenton, à Melun, à Corbeil, et à Montargis. Et si manda gens de son party de toutes parts pour venir devers luy à la bastille de Sainct-Anthoine. Et d’aultre part, le seigneur de l’Isie-Adam envoya hastivement en Picardie et ailleurs pour tirer gens d'armes à
(f) Du latin repositus, mis en secret. (2, Cachés.
