CHAPITRE LXXXIX
Comment les Parisiens occirent dercchief plusieurs prisonniers ; et comment le daulphin reprint la ville de Tours.
Les communs de Paris s’assemblèrent encore une fois, en grand nombre, et s’en allèrent derechef à touttes les prisons, et y tuèrent plus de trois cents prisonniers qui y avoient esté mis depuis la première tuyson ; et puis s’en allèrent à la bastille Sainct-Anthoine, pour avoir sept prisonniers qui y estoient, et jurèrent qu'ils abattroient la place ou qu’ils les auroient. Et de fait, commencèrent à desmaconner ; dont le duc de Bourgongne, fortement courroucé, vint à eulx, et leur remonstra tant d’unes et d’autres que les chefs lui promirent que les prisonniers seroient menés en Chastelet ; mais enlin, ils les tuèrent tous inhumainement sur la cauchie{, et là les desvestirent; et estoit le plus principal d’iceulx tyrans nommé Capeluche, lequel estoit bourrel de Paris. Lors le duc de Bourgongne, voyantlesdesrisions etinhumanités d’iceulx meschants gens, fit crier : qu'ils se cessassent de plus piller ni tuer, sur peine de perdre la vie, et qu’il se préparassent à aller asségier Mont-le-Héry, où estoient leurs ennemis. Ils respondirent que ce feroient-ils volontiers, mais qu’ilseussent capitaines pour eulx conduire. Et lors leur fut ordonné le seigneur de Cohem, et aucuns autres, lesquels emmenèrent bien six mille hors de la ville, jusques à Mont-le-Héry. Mais entre tant qu’ils estoient là, le duc de Bourgongne fit pendre aucuns de leurs complices qui estoient demeurés, et leur fit les testes copper, et aulcuns noyer. Capeluche, entreles autres, eut la teste tranchée. Dont aussi tost que ceulx du siége eurent nouvelles, ils s’en retournèrent vers Paris pour faire pis
(1) Chaussée, : ù
MÉMOIRES DE SAINT-RÉMY
que devant; mais on leur ferma les portes, et les fit-on retourner à leursiége. Assez tost après, ils furent remandés, pource qu’il y avoit aucuns ambassadeurs qui traitoient leur appointement. Madame la daulphine, du gré et consentement du roy, de la royne et du duc de Bourgongne, fut renvoyée honorablement de Parisen Anjou, afin que le daulphin, pour ceste courtoise, s’inclinast plutost à la paix; mais ceulx qui gouvernoient ne lui eussent jamais conseillé. Aussi vint devers le daulphin le jeune comte d'Erminacq, grandement accompagné, qui se complaint de la cruelle mort de son père, et le dauphin lui respondit, que dedans briefs jours il lui en feroit bonne justice. Et tantost après alla mettre le siege devant Tours, laquelle ville lui fut assez tost rendue. D'autre part, le duc de Bourgongne, qui faisoit ce qu'il voulloit ès pays du roy,jà-soit-ce qu'il eust mis jus et faict cesser les aides, néanmoins il les fit remettre sus, sous ombre de lever le siège de Rouen. Et si furent les Parisiens requis de prester aucune somme d'argent ; et prestèrent cent mille francs, par condition qu’ils auroient, de chacune queue du vin qu’on vendroit à Paris, douze deniers : et les recevroient par leurs mains, jusques à ce qu’ils seroient remboursés de leur prest. Ainsi doncques revinrent lesaides en feste.
