CHAPITRE XC
Comment le roy d'Angleterre descendit avec son armée en Normandie, accompagné de deulx de ses frères et aultres gros seigucurs d'Angleterre; comment pluiseurs villes et forteresses se rendirent à luy ; comment la ville de Caen feut prinse par assault ; et comment le duc de Gloccstre assegia la ville ct chastcau de Cherbourg.
En icelle année 1418, le roi Henry d’Angleterre, voyant que temps et heure estoit de poursuivre sa conqueste, après ce qu'il eut tenu un grand parlementen son palais de Wesmoutier1, et conclu sur ses affaires, tant sur le parlement du gouvernement de son royaulme comme de l’armée qu’il avoit intention de mener en France, fitunmandement partoutson royaulme, à tous les princes, barons, chevaliers et gens accoustumés d’eux armer, et leur mit un jour à estre prests au port de Hantonne, où ils se trouveroient; auquel jour vinrent ceux qui y
(1) Westminster.
furent mandés. Si estoient avec lui deux de ses frères, les ducs de Clarence et de Glocestre, les comtes de Hontidonne, de Warwick, de Salisbury, de Sufolk, de Kinte ; le grand seigneur de Roos, le seigneur de Cornouailles, les seigneurs de Wileby, d'Escalles et pluiseurs autres barons, chevaliers et escuyers, et avec eux grand nombre de gens d’armes et de trait. Le roy, voyant son armée preste, se tourna à Hantonne, où son navire estoit appresté; et simonta dessus, avec toute son armée ; et tant nagèrent qu’ils prirent port à Toucques, en Normandie, sur l'intention de mettre en son obéissance toutte la duché de Normandie. Auquel lieu de Toucques y avoit un fort chastel royal, qui tantost fut asségié. Le roy fit dresser ses engins et habillements de guerre. Finablement, messire Jehan d’Angiennes, capitaine dudit chastel, scachant qu’il n’auroit point de secours, rendit la place et se mit en l’obéissance du roy d’Angleterre, moyennant les vies sauves, corps et biens, de lui et de tous ses gens ; et eut trois jours d’induices! pour les vuider; aussi le roy leur tint sa promesse.
Après celle rendition, et qu’il y eust mis de ses gens pour le garder, se partit dudit chastel en belle ordonnance. Premièrement fit partir son avant-garde, puis sa bataille, après son arrière-garde ; et entre la bataille et son arrièregarde estoient les charriots, charettes, ses vivres et artillerie de guerre. Le roy d'Angleterre chevaucha, et tellement exploita que peu de temps et espace se rendirent à lui les villes et forteresses de Harcourt, du Bec, Helluyn, Verneuil, Evreux, et plusieurs autres places, sans faire grands deftenses. Pour lesquelles renditions les autres bonnes villes et forteresses d’icelui pays de Normandie se commencèrent moult fort à esmerveiller, car ils avoient peu de gens pour eulx deffendre.
Ainsi que vous avez ouy, estoit toutte France en desrision et division, qui estoit chose bien propice pour le roy d'Angleterre. Et en icelui temps, fut eslu pape le cardinal de la Colonne; et fut nommé pape Martin; qui, par l’approbation du saint concile de Constance, ordonna ledit concile estre convoqué au cinquiesme an ensuivant, l’an 1423.
Le roy d'Angleterre, qui estoit à grand’ puissance au pays de Normandie, conquéroit
{t) Trèves,
