CHAPITRE XCIV
Comment l'ambassade du roy d'Angleterre, ep allant vers ke roy de France, feut assaillie parles Daulphinois, qui fcurent desconfits par les Angiois ; et du parc qui feut faict vers Mcullant, où conviurent ensemble le roy d'Angleterre ct ses deux freres, la reine de France, dame Catherine sa fille, le duc de Bourgongne et leurs consaulx, et retournèrent sans besongner.
En icelui temps, le roy d'Angleterre envoya à Provins, devers le roy, son ambassade, c’est assavoir les comtes de Warwick et de Kinte ; et estoient conduits par aucuns gens du duc de Bourgongne. Et en leur chemin furent assaillis par messire Tanneguy du Chastel et aultres Daulphinois, qui, au commencement, prinrent et gagnèrent une partie des chevaux et bagages desdits Anglois; mais, en conclusion, les dessusdits Daulphinois furent déconfits. Après, iceux ambassadeurs s’en allèrent à Provins, où ils besognèrent avec le duc de Bourgongne et le conseil du roy; et de là retournèrent à Rouen, devers le roy d'Angleterre, où ils firent leur relation de ce qu’ils avoient besogné, dont le roy fut moult joyeux. Et de rechief, environ la my avril, le roy d'Angleterre renvoya lesdits ambassadeurs devers le roy et le due de Bourgongne à Troye, en Champagne; auquel lieu fut tant traicté entre les parties que trefves furent faites entre les deux roys certaine espace de temps, sur espérance de plus avant besogner au faict de La paix. Et fut assigné jour pour convenir ensemble assez près de Meulant. Et assez tost après, le roy, la royne et dame Katherine de France, leur fille, et le duc de Bourgongne, à grant puissance, allèrent à Pontoise; et eux là venus, firent préparer assez près de Meulant un grant parcage où se devait tenir ladicte convention; lequel estoit très bien clos de bonnes baillest, et archers en aucuns costés, et aussi environné de grands fossés ; et aussi y avoit pluiseurs entrées fermans à trois barrières; et par dedans furent tendues pluiseurs tentes et pavillons pour reposer kesa seigneurs; et estoient ordonnés aucuns villages pour loger les gens et chevaux, tant d’un costé comme d’aultre. Et quand la journée fut venue que icelles parties debvoient assembler en conseil, pour tant que le roy estoit mal disposé en santé, se partirent de Pontoise la royne, dame
(1) Portes.
Katherine sa fille, le duc de Bourgongne et le comte de Sainct-Pol, avec eux tout le conseil et bien mille combattans. et allèrent audit lieu ordonné emprès Meulant ; et assez tost après arriva le roy d'Angleterre, accompagné des ducs de Clarence et de Glocestre, ses frères et son conseil. La royne, dextrée du duc de Bourgongne, et dame Catherine du comte de Sainct- Pol, atout leur conseil, et aucunes dames et damoiselles, entrèrent dedans ledit parc. Et parcillement le roy d'Angleterre, accompagné de ses deux frères et son conseil, par une autre entrée, vinrent dedans le parc ; auquel lieu, en lui inclinant révéremment, salua la royne et puis la baisa, et aussi fit-il dame Catherine. Et après le duc de Bourgongne salua le roy d’Angleterre en fléchissant un petit le genouil, en inclinant son chef. Le roi d'Angleterre le prit par la main, et d’un commun consentement entrèrent adonci dedans la tente du conseil. Et estoient leurs gens d'armes, chacun par ordonnance, au loin du parc. Après ce qu'ils eurent esté en conseil grant espace, prinrent congé l'un de l'aultre, moult honorablement et humblement, et s’en retournèrent les uns à Pontoise et les aultres à Mantes. Lendemain se rassemblèrent au lieu et place dessus-dite. Et dura le parlement bien trois semaines en pareil cstat qu’il avoit esté la première fois, sauf que madame Catherine de France, qui y avoit esté là menée afin que le roy d'Angleterre la vist, qui fort estoit désirant d’avoir icelle à mariage, n’y retourna point depuis la première fois. Et là, eux ensemble, sans espérance de faire aucun bon traictié et paix finale entre les deux parties et roys, furent pluiseurs matières ouvertes; et souvent venoit l’une des parties plus puissamment accompagnée que l’aultre; et une aultre fois celle qui estoit venue à plus grand compaignie venoit à moindre. Et jà-soit-ce que Franchois et Anglois là estans fussent toujours, ce temps durant, logiés l’un auprès de l’aultre, toutefois n’y eut rumeurs ni débats entre lesdites parties, et vendoient l’un à l’aultre pluiseurs denrées. Mais en la fin ne poeurent lesdites parties rien concorder ni pacifier, pourtant que le roy d'Angleterre faisoit demandes moult grandes et extraordinaires, avec madame Catherine de France, comme aultres fois avoit
(1) Alors.
MÉMOIRES DE SAINT-REMY
faict. Et aussi, durant le parlement, pour icelui
corrompre, le daulphin envoya avecque son
conseil, devers le duc de Bourgongne, messire
Taneguy du Chastel pour lui signifier qu’il es-
toit prest pour traiter avecque lui, combien que
par avant le duc de Bourgongne l’eust pluiseurs
fois de ce faict requerre. Finablement, comme
dit est, après que ledit parlement fust desparti
et du tout mis au néant, durant les trefves, les
tentes furent ostées, et le parc défaict de lac-
cord des deux parties; et se retrairent les Fran-
chois à Pontoise et les Anglois à Mantes. Pour lequel parlement ainsi estre défailli, le roy
d'Angleterre fut très courroucé et déplaisant,
pour ce que il ne pouvoit venir à son intention ; et prit pour cette cause le duc de Bour-
gongne en grand’ indignation, car il scavoit que pour lors il estoit le principal par qui les besognes de France estoient conduites et gouvernées. Sy dit au duc de Bourgongne, comme aulcuns disoient : « Beau cousin, je veux que « vous scachiez que une fois j'aurai, et tout ce « que j'ai demandé avec elle, ou je le déboute- “ rai, et vous aussi, hors de son royaulm®. » Auxquelles paroles le duc respondit : « Sire, «“ vous dictes vostre plaisir; mais devant que «“ vous ayez débouté monseigneur le roy et moy « hors de son royaulme, vous serez bien lassé. » En telles paroles et aultres, qui seroient trop longues à escripre, se départirent en prendant congié l’ung de l’aultre, et retournèrent ès lieux dont ils estoient partis.
