CHAPITRE XCWV

Comment le duc de Bourgongne se trouva vers monscigneur le daulphin, où Ia paix feut entre eulx jurée sulemnellement, entre les mains du légat envoyé par le Saint-Père: et commeut le roy d'Angleterre feit escheler la ville de Ponthoise, où les Auglois trouvèrent et gagnèrent grant finance.

Vous avez ouy comment messire Taneguy du Chastel feut à Ponthoise devers le duc de Bourgongne, de par le daulphin, pour l’appaisement d’eulx deux, dont le duc de Bourgongne feut moult joyeux; et, pour icelle nouvelle, donna à messire Taneguy du Chastel ung moult beau coursier et cinq cents moutons d’or; et par luy feit sçavoir au daulphin que il estoit prest d'aller devers luy, quelque part qu’il luy plairoit; et manda messire Jehan de Luxembourg, quy lors estoit en Picardie, afin qu’il

assemblast gens pour le accompagner. Messire Taneguy retourna devers le daulphin, auquel il feit rapport de che que il avoit besogné, dont le daulphin feut bien content. Apprès, assigna le daulphin jour pour convenir ensemble, et le manda au duc de Bourgongne, lequel en toute diligence se mit sus et partit de Ponthoise, et s’en alla à Corbeil, la dame de Giac en sa compagnie, qui avoit esté partie traiteresse de ceste assemblée ; et lendemain, quy feut dixiesme jour de juin, assemblèrent ensemble, environ à une lieue de Melun, assez près de Poillv-le-Fort, auquel lieu avoit un petit poncel de pierre. Et, quand ils vinrent à deulx traits d'arc, ou environ, firent arranger leur bataille et partirent chacun atout dix hommes de sa compagnie, tels qu’ils les voulurent prendre, et allèrent au milieu des deulx batailles l’un contre l'autre. Si descendirent à pied ; lors le duc de Bourgongne, en approchant le daulphin, s’inclina moult humblement pluiseurs fois; et le daulphin, en ce faisant, le prit par la main où il estoit à genoux, le baisa, et puis le voult faire lever ; mais il ne voult et luy dit : « Monseigneur, je sais « bien comment je dois parler à vous. » En icelle assemblée estoit ung légat de nostre Saint- Père, afin de plus solennellement faire ledict traictié, et pour recevoir le serment des deulx parties et seigneurs quy là estoient assemblés pour ladicte paix, laquelle y feut bien et doucement conclue entre les deux parties: car auparavant avoit est ladite paix pourparlée tout au long. Or est vrai que, entre les aultres choses et articles dudit traictié, avoit bien fort lien; car les deulx prinches, daulphin et duc de Bourgongne, accordèrent, jurèrent et promirent ès mains dudit légat, en parolles de prinches, sur les saints Evangiles et sur la vraie croix, de tenir de point en point ladite paix et traictié, et, avec che, accordérent dès lors et pour le temps à venir que si l’ung d’eulx rompoit ou alloit allencontre d’icelle paix et traictié, que tous ses hommes, vassaux et subjects, et serviteurs, se armassent allencontre de luy; et de tous serments de fidélité et aultres les quittoient; et voulloient de faict que ainsi se fist, en montrant tous grans signes d'estre joyeux, et en maudissant tous ceulx quy jamais porteroient armes pour si damnable querelle. Et apprès qu'ils eussent esté un espace de temps ensemble en cest estat, en grant signe de liesse et