CHAPITRE XCV
ee te Ge
d'amour l’ung à l’aultre, le daulphin monta à cheval; et luy tint l’estrier le duc de Bourgongne, nonobstant que moult de fois le daulphin lui pria que de le faire ils sc déportast. Apprès monta à cheval le duc de Bourgongne; et chevauchèrent un petit ensemble, et puis prirent révéremment congié lung de Paultre; et s’en alla le daulphin à Melun, et le duc de Bourgongne à Corbeil. Et lors apprès ceste départie, le daulphin et le duc de Bourgongne feirent faire et ordonner, par leurs conseillers, lettres et chartes des serments faits ensemble pour la paix et union entretenir entre les parties. Lesquelles promesses et jurements ne feurent en rien nullement tenus, dont peu s’en faillit que tout le royaulme n’en feust perdu et destruict ; et de faict en advinrent tant de maux que plus ne si grants ne adveinrent oncques en France, comme cy apprès polrez ouyr. Toutefois je m'en passe en brief, car au long se pourra monstrer par les chroniques, qui de che font mention; et feurent icelle paix et traictié publiés en pluiseurs lieux, en France et Picardie. Or convient retourner à parler du roy d'Angleterre, lequel, quand il ouyt nouvelles de la paix et alliance que avoient faictes ensemble le daulphin et le duc de Bourgongne, ne feut pas joyeux; car bien luy sembla que plus forts seroient les deulx princes ensemble que divisés. Néanmoins il se délibéra et conclut de poursuivre et mener à fin sa querelle et entreprinse, allencontre de tous ceulx quy nuire le voudroient. Et jeta son imagination et avis que bonne et profitable luy seroit la ville de Ponthoise, si il la povoit avoir. Et, sur che, manda aulcuns de ses plus féables capitaines, et aussi de ceulx quy avoient esté dedans icelle ville durant les ambassades dont dessus est faicte mention. Si leur déclara sa volunté; et iceux luy respondirent qu’en che et en toutes autres choses qu’il luy plairoit commander, estoient prests de eulx y employer, sans espargner leurs corps, quelque peine ou travail qu'ils y dussent avoir. Et sur che, feut ordonné, de par le roy d'Angleterre, ceulx quy de ceste besogne auroient la charge; c’est assavoir le capital de Bœuff, vaillant chevalier, frère du comte de Foix, quy avoit avecque luy ung des bons eschelleurs du monde, lequel pourjecta la ville. Et qu’il soit vrai, ung peu
4) Buch.
devant le soleil levant, ayant tout son eschellement prest, à l'heure que le guet feut descendu pour aller à la première messe, pour boire au matin, l’eschelleur feit la diligence de dresser eschelles par lesquelles les Anglois montèrent si diligemment que oncques ne feurent perchus qu’ils ne fussent les plus forts dedans la ville; et feut ung lundy, dernier jour de juillet. Quand les Anglois se virent les plus forts, ils commencèrent à crier : Sainct George! Duquel cri feut la ville toute esmue, et le seigneur de l’Isle-Adam tout esmerveillé; lequel sans délai, avecque aulcuns de ses gens, monta à cheval et alla voir où estoit l’effroy; mais quand il perchut les Anglois dans la ville en si grant nombre, il s’en retourna et feit la plus grant diligence qu'il peut de sauver ceulx de la ville de Ponthoise, dont pluiseurs feurent sauvés ; et feit ouvrir vers la porte pour aller vers Paris. Puis de la ville issirent bien en sa compaigaie six mille personnes, tant hommes que femmes comme enfants, tous désolés. Ainsi feut la ville de Ponthoise prise par les Anglois, en laquelle ils feirent maulx innumérables, comme par coutume se fait en ville ainsi conquise ; et gagnèrent si grant finance que il n’est à eroire:; car le roy, la royne et le duc de Bourgongne, pluiseurs grants seigneurs et ambassades, y avoient esté grant espace du temps, et estoit la ville remplie de tous biens. Pour laquelle prise le pays de l’Isle-de-France, et par espécial vers Paris, feurent desconfortés. Et, quand les nouvelles vinrent en ce mesme jour à Sainct-Denis, où estoient lé roy, le duc de Bourgongne et leurs estats, assez tost se départirent et s’en allèrent à Troyes, ensemble la royne, madame Katherine et pluiseurs aultres. Le seigneur de l’Isle-Adam assembla gens pour mettre en garnison, et se mit en la ville de Beauvais, pour tenir frontière et pour résister aulx entreprinses que chacun jour les Anglois faisoient. Toutefois, iceluy seigneur de l’Isle- Adam feut moult blasmé, pource que ainsi négligemment, par faute de guet, avoit laissé prendre la ville de Ponthoise, et par espécial les gouverneurs du daulphin en feurent très mal contents; mais aultre chose ne olrent.
MÉMOIRES DE SAINT-REM Y
