CHAPITRE XCVI

Comment la ville de Gisors sc rendit aux Anglols, comme aussi feit le Chasteau-Gaillard, après avoir soutenu et cnduré le siége par l'espace de scize mois, et par faute de cordes pour lirer eau.

Après ce que le roy d'Angleterre, qui jour et nuict ne pensoit à aultre chose, fors à venir audessus de son entreprinse, sceut la prise de Ponthoise, dont il fut moult joyeux, assez tost après manda son frire, le duc de Clarence, auquel il bailla la charge de foison de gens d’armes et de traits, pour aller asségier la ville de Gisors, dedans laquelle ville estoient capitaines Lionnel de Bournonville, et dedans le chastel Da vid de Goy; lesquels, par les Anglois, en la fin de trois semaines après le siége mis, rendirent la ville et forteresse au duc de Clarence, par deffaut de vivres, moyennant qu'ils s’eniroient avecques leurs gens, saufs leurs corps et leurs biens, et les habitans de la ville demeureroient obéissans au roi d'Angleterre, en faisant le serment. Et ainsi se despartirent les dessusdits Lionnel de Bournonville; et ceulx qui aller s’en voulurent.

En ce temps, le roy d'Angleterre envoya asségier le chastel Gaillard , qui estoit une des plus fortes places du pays de Normandie, et le tenoient les gens du daulphin; et y fut le siége seize mois, au bout duquel temps se rendit, par faute que les cordes dont ils tiroient l’eau estoient faillies. Et en estoit capitaine messire Louis de Mauny, qui avoit avec lui six-vingt gentilshommes ou plus; et tenoient le siége les comtes de Hantonne et de Kent.

Et durant les choses dessusdites, avoient plusieurs Daulphinois et Bourguignons grands communications les uns avec les aultres, espérants que le traictié fait dust estre pardurable ; mais dame fortune y pourveut par telle manière que, dedans briefs jours ensuivant, furent en plus grand” tribulation et peine l’un contre l’aultre que par avant n’avoient esté, comme cy-après sera desclaré.

Or, vous lairai un peu à parler des Anglois et de leurs conquestes, et parlerai des faicts de France.

[1419] CHAPITRE XCVIL.

Comment le duc Jehan de Bourgongne feut occis à Monlereau où faut Yonne, par le commandement et en prés! nce du daulphin, seul fils du roy de France; des mamdlemens que le roy feit publier à icelle cause dedans son royauline ; et comment le daulphin assembloit de tous costés gens d'armes (1).

Assez avez ouy comment le daulphin, seul fils du roy, fit paix au duc de Bourgongne.

Après laquelle faicte et publiée par le royaulme, le daulphin se partit pour aller vers le pays de Touraine, avecques plusieurs de son conseil, depuis qu’il fut averti et conseillé de trouver la manière comment il pourroit decepvoir et faire . mourir le duc de Bourgongne; laquelle chose il avoit intention de faire au parlement de la paix, comme l’on disoit ; laquelle paix fut faicte au lieu dessusdit ; mais pource qu’ils virent le duc de Bourgongne avoir grand’ puissance, ne l’osèrent lors entreprendre. Si s’en retourna pour l'accomplir ; et vint atout dix mille combattans ou environ, à Montereau où fault l'Yonne. Et tost après sa venue, envoya à Troyes en Champagne messire Tanneguy du Chastel, et aultres de ses gens, atout certaines lettres signées de sa main, par lesquelles il rescripvoit très affectueusement au duc de Bourgongne, que, pour conclure et adviser à la réparation et affaires du royaulme, et aussi pour aultres choses qui grandement lui touchoient, il voulsist aller devers lui audit lieu de Montereau. Lequel duc de Bourgongne, oyant ces requestes et nouvelles, différa plusieurs jours de y aller, et contendit que le daulphin allast devers le roy son père; et remonstra plusieurs fois à Tanncguy, que plus convenable et expédient seroit qu'il y allast que autrement, afin de tenir leur conseil ensemble. Et sur ce retourna Tanneguy devers le daulphin ; mais finablement conclut le daulphin et ceulx de son conseil de demeurer à Montereau, et non aller ailleurs. Et derechief retourna messire Tanneguy à Troyes, devers le duc de Bourgongne, avec lequel il traicta tant, que il vint à Bray-sur-Seine; et de là feurent envoyés plusieurs messages de l’une partie à l’aultre. Entre lesquels enfin y envoya le daulphin l’évesque de Valence, qui estoit frère à l’évesque de Langres, lequel de Langres

(1) C'est avec ses lamentations sur re meurtre que feorges Chastellain commence ses chroniques.