CHAPITRE XCVII

estoit avec le duc de Bourgongne, et un de ses principaux conseillers, nommé messire Charles de Poitiers. Et quand ycelui évesque feut venu audit lieu de Bray, si parla pluiseurs fois au duc de Bourgongne, et l’admonesta et l’induit acertes qu’il voulsist aller vers le daulphin, disant qu'’ilne fistnul doute ou soupçon de quelque mauvaiseté; et parcillement en parla féablement à son frère, en lui monstrant que féablement il y pouvoit aller, et feroit mal de le refuser. Touttefois, icelui évesque ne savoit pour vrai rien de ce qui advint depuis, et traictoit de bonne foi. Finablement, tant par les remonstrances qu'il fit, comme sur les paroles de messire Tanneguy, le duc de Bourgongne conclut et se disposa avec son conseil d’aller vers le daulphin, en la compaignie d’icelui évesque; et se partit dudit lieu de Brai le dixiesme jour de septembre 1419. Et avoit en sa compaignie cinq cents hommes d’armes, deux cents archiers et pluiseurs seigneurs; c’est assavoir, Charles, fils ains-né du duc de Bourbon, le seigneur de Navaille, frère au comte de Foix, Jehan, fils au comte de Fribourg, le seigneur de Sainct- Georges, messire Antoine de Vergy, le seigneur de Jonvelle, le seigneur d’Autrec, le seigneur de Montagu, messire Guy de Pontaillier, messire Charles de Lens, et plusieurs aultres, avecques lesquels il chevaucha assez joyeusement jusques à peu près de Montereau ; et estoit environ trois heures après-midi. Et lors vinrent allencontre de lui trois de ses gens, Jehan d’Ournay, Saubertier, et un autre que je ne sçai nommer ; les-

uels lui dirent que ils venoient de la ville, où ls avoient vu sur le pont, au lieu rnesme où ils se devoient assembler, plusieurs fortes barrières faites de nouvel, très avantageuses pour le parti du daulphin, disans qu’il pensast à son faict, et que s’il se boutoit dedans, il seroit en danger du daulphin. Sur lesquels paroles le duc, tout à cheval, assembla son conseil, pour scavoir qu’il estoit sur ce de faire; et y eut de diverses opinions; Car les aucuns doutoient moult la journée, attendu les nouvelles que d'heure en heure ils oyoient. Les autres, qui ne pensoient qu’à bien, conseilloient pour mieux faire, de laissier qu’il allast vers le daulphin; et disoient que ils n’oseroient penser que un tel prince, fils du roy et successeur de la couronne, voulsist faire aultre chose que loyaulté. Et lors le duc de Bourgongne, voyant et oyant les di-

verses opinions de son conseil, dit haut et clair, en la présence de tous ceulx qui là estoient : qu'il iroit, sur intention d’attendre telle adventure qu'il plairoit à Dieu de lui donner et envoyer; disant oultre, que pour le péril de sa personne ne lui seroit reprouvé jà que la paix et réparation du royaulme fust attargiée ; et que bien scavoit que si il failloit de y aller, que par adventure, guerre ou division se pourroit esmouvoir entre eulx, et que la charge et déshonneur en retourneroit sur lui. Et adonc s’en alla descendre au chastel de Montereau, par la porte vers les champs. Ledit chastel lui avoit esté deslivré pour lui logier, par les conseillers du dolphin, afin quil feust moins en soupçon que on lui voulsist mal. Et fit descendre avecques lui tousles seigneurs et deux cents hom mes d'armes, et centarchiers, pour luy accompagner. Si estoit avec lui la dame de Giac, qui par avant, comme dit est, avoit esté plusieurs fois devers le daulphin durant le traictié cy-dessus dit, et moult induisoit le duc d’y aller, en lui admonestant qu’il ne fust point en doute de nulle trahison. Le duc de Bourgongne, comme il monstroit semblant, aimoit moult et croyoit de pluiseurs choses icelle dame, laquelle il avoit baillée en garde avecques partie de ses joyaux à Philippe Josequin, comme au plus féable de tous ses serviteurs. Et tost après qu’il feut descendu, ordonna à Jacques de la Balme qu’il se mist, avec ses gens d’armes, à l'entrée de la porte de la ville, pour la seureté de sa personne, et aussi à garder la convention. Et entre temps, messire Tanneguy vintdeversleducde Bourgongne, et lui dit que le daulphin estoit tout prest, et qu’il attendoit après lui. Il respondit qu'il s’en alloit. Et lors appela ceulx qui estoient commis d’aller avec lui; et deffendit que nul n’y allast, sinon ceulx qui à ce estoient ordonnés, lesquels estoient dix, dont les noms s’ensuivent : c’est assavoir, Charles de Bourbon, le seigneur de Navaille, Jean de Fribourg, le seigneur de Sainct-Georges, le seigneur de Montagu, messire Antoine de Vergy, le seigneur d’Autrec, messire Guy de Pontaillier, messire Charles de Lens, .messire Pierre de Giac, et un secrétaire nommé maistre Jehan Seguinart. Derechief allèrent allencontre de lui les gens du daulphin, qui renouvelèrent les serments et promesses par avant faicts et jurésentre lesdicts princes; et ce faict, lui dirent : « Venez devers

“ Monseigneur, il vous attend cy, devant, sur le « pont. » Après lesquelles paroles, se retrayrent devers leur seigneur. Et adonc le duc de Bourgongne demanda à ses conseillers si il leur sembloit qu’il peust aller seurement devers le daulphin, sur les seuretés que sçavoient estre entre eulx deulx. Lesquels, ayans bonne intention, lui feirent responce : que seurement il pouvoit aller, attendu les promesses faictes par tant de notables personnes d’une partie et d’aultre; et dirent que bien oseroient prendre l’adventure d'aller avecques luy. Sur laquelle responce se mit à chemin, faisant aller devant lui une partie de ses gens; etentra en la première barrière, où il trouva les gens du daulphin, qui encore lui dirent : « Venez devers Monseigneur, il vous «attend. » Et il dit : « Je vais devers lu y. » Et passa la seconde barrière, qui tantost fut fermée à la clef, après que lui et ses gens furent dedans entrés, par ceulx qui à ce estoient commis. Et en marchant avant, rencontra messire Tanneguy du Chastel, auquel en grand amour il férit de la main sur l’espaule, disant au sei gneur de Sainct-Georges et aux aultres de ses gens : « Veez-cy en qui je me confie. » Et ainsi passa outre, jusques assez près du daulphin, qui estoit tout armé, l’espée ceinte, appuyé sur une barrière. Devant lequel, pour lui faire révérence se mit à un genou, en le saluant très honorablement: à quoi le daulphin respondit sans lui monstrer aucun signe d’amour, en lui remonstrant qu’il lui avoit mal tenu sa promesse, de ce qu’il n’avoit pas fait guerre aux Anglois, ni fait vider ses gens hors des garnisons, ainsi que promis l’avoit. Et adonc, messire Robert de Lore le prit par le bras dextre, et lui dit: « Levez-vous, vous n’estes que trop honorable. » Le duc de Bourgongne, qui estoit à un genou, comme dit est, avoit son espée chainte, laquelle estoit, selon son vouloir, trop demeurée derrière quand il se agenouilla. Il y mit sa main, pour la remettre plus devant. Et lors ledit messire Robert de Lore lui dit : « Mettez- « vous la main à vostre espée en la présence de « Monseigneur le daulphin? » En ces paroles s’approcha messire Tanneguy, qui, comme on dit, fit un signe, et en disant : « Il est temps,” férit le duc de Bourgongne d’une hache qu’il tenoit en sa main, si rudement qu’il le fit cheoir à genoux. Et quand le duc de Bourgongne se sentit frappé, mit la main à son espée pour la tirer,

soi cuidant lever pour soi deffendre, mais incontinent d’aucuns aultres feut féru et abattu par terre comme mort ; et prestement un nommé Olivier Layet, à l’aide de Pierre Frottier, lui bouta une espée pardessousson haubergeon, par dedans le ventre. Et aucuns dient que le frère du comte de Foix, quand il vit le duc de Bourgongne abattu par terre, lui cuidant sauver la vie, se mit sus son corps; mais le vicomte de Narbonne tenoit une dague en sa main, dont il le férit et le perça tout oultre le corps. Aultres ont dit que c’estoit d’une espée, et aultres d’une hache; touttefois il fut mort avec son maistre le duc de Bourgongne. Le daulphin, qui estoit appuyé sur la barrière, comme vous avez ouy, voyant ceste merveille, se tira arrière, comme tout cffrayé, puis tantost par ses gens fut emmené à son hostel. Les aulcuns des seigneurs du duc de Bourgongne se voulurent mettre en deffense, et en y eut d’aucuns blessés; mais ce leur valut moult peu; car tous furent pris et menés prisonniers, excepté le seigneur de Montagu, qui estoit moult appert et viste; et l’espée au poing, toute nue, saillit dehors des barrières, et se tira devers le chastel, où estoient les gens du duc de Bourgongne, dont aucuns montèrent à cheval, eten très grand’haste se despartirent, démenant grand deuil. Le seigneur de Jonvelle et aultres, qui estoient dedans le chastel de Montereau, et auxquels le duc de Bourgongne lavoit baïllé en garde à son partement, furent moult esmerveillés, eux voyans que nulle provision de vivres n’y avoit en ladicte place, ni aultres habillemens de guerre, fors que ceulx qu'ils y avoient apportés; car on en avoit osté toute l'artillerie. Finablement, au mieux qu'ils peurent, trouvèrent leur traité par devers le daulphin, et s’en despartirent leurs corps et biens saufs; et tirèrent vers Troyes, où ils trouvèrent le roy, la royne et pluiseurs grands seigneurs, auxquels ils racontèrent la piteuse mort du duc de Bourgongne. Si en feut le roy, la royne et toute la cour troublée; et eurent conseil d'envoyer par les bonnes villes mandemens royaulx, par lesquels remonstroient la mort et la déloyauté des facteurs, mandans et défendans aux officiers, que au daulphin ne à ceulx de son party ils ne baillassent aide ne secours, mais se préparassent à toute diligence de résister contre eulx, et que à che faire ils auroient brief bonne aide. Tantost après le faict