CHAPITRE XCVIIL

Comment lA mort du duc jchan de Bourgongne fut A1nnoncée à sou fils unique, Philippe, comte de Charrolois, qui en fout moult desplaisant, et tout le pays du roy de France; de l'alliance qu'il fcit, par conseilet licence dudit roy, avecques le roy d'Angleterre; et du traictié falrt à Troyes entre les deux roys, par lequel le roy de Franve donna sa fille à femme au roy d'Angleterre, et le feit héritier du royaunre,

La piteuse mort du duc de Bourgongne feut dicte à Philippe, comte de Charrollois, son seul fils et héritier, luy estant à Gand, dont il eut si grant tristesse et desplaisir, que à peine par aucuns jours ne pouvoient ses conseils et ses gouverneurs le conforter, ni faire boire ni manger. Et quand madame Michelle de France, sa femme et sœur du daulphin, sceut ces nouvelles, elle fut moult troublée et en grant esmoy, doutant, entre les aultres choses , que son seigneur et mari ne l’euist pour ce moins agréable, et qu’elle n’en fust élongiée de son amour ; ce que pas n’adveint, car en brief terme ensuivant, par les exhortations et amiables remonstrances que luy feirent ses gens, il feut très content

(1) Chagrins.:

MÉMOIRES DE SAINT-REMY

d'elle, et luy monstra aussi grant signe d’amour que par avant avoit faict. Après ce faict, tint son conseil avec ceulx de Flandres et d’Arthois, et fit serment partout, comme il est de coutume aux nouveaulx seigneurs; puis après s’en alla à Malines, où il eut parlement avec le duc de Brabant, son cousin, Jehan de Bavière, son oncle jet sa tante la comtesse de Haynault. Duquel lieu s’en retourna à Lille ; et de ce jour en avant se nomma duc de Bourgongne en ses lettres, et print tous les titres de son père. Maintenant ne sera plus nommé en mon livre, le nouveau duc de Bourgongne, fors tant seulement le duc, ainsi que je vous ai dict au commencement du livre. À Lille veinrent pluiseurs seigneurs pour luy offrir service ; si en retint une partie ; aux aultres promit grands biens à faire. D’aultre part, veinrent aussi de Paris vers luy, Philippe de Morvilliers, premier président en parlement, et aussi pluiseurs aultres notables gens, avecques lesquels conclud d’escripre aux bonnes villes qui tenoient le parti du roy et le sien, certaines lettres contenants que, comme ils avoient tenu le parti de son père, ils voulsissent tenir le sien, mandant à iceulx qu'il leur feroit impétrer trefve aux Anglois bien brief ; et leur fist scavoir qu’ils envoyassent de leurs gens vers luy, à Arras, le 17° jour d’octobre ; et que ceulx qui y seroient envoyés, eussent toute puissance de besogner. Alors le duc, par grand délibération de conseil, pour soi fortifier allencontre de ses adversaires, envoya de ses ambassades à Rouen, devers le roy d'Angleterre, afin de impétrer unes trefves certaine espace de temps, pour tous les pays estans en Pobéissance du roy et de luy. Quand feurent venus à Rouen, trouvèrent les ambassadeurs du daulphin qui desjà estoient venus pour avoir traictié et alliance au rov d’Angleterre, en luy offrant les pays du duc, et les luy aidier à conquester, et avec ce, le duché de Normandie. Mais quand le roy sceut les ambassadeurs du duc estre venus par-devers luy, feut moult joyeux, et laissa les Dauphinois, qui moult dollens se despartirent de ce que ainsi avoient failli de parvenir à leur entente. Les ambassadeurs du duc besognèrent tellement qu’ils obtindrent unes trefves, en l'espérance de plus outre procéder avec luy. Durant lequel temps, les Dauphinois estans à Compiengne et sur les marches, et ceulx tenans la partie du

duc recommencèrent comme devant à mener très forte guerre les uns contre les aultres. Après une espace de temps, le duc tint conseil ; auquel conseil finablement feut conclu que, pour le mieux, par la licence et congié du roy, il s’alllast au roy d'Angleterre le mieux qu'il pourroit. Et sur ce envoya derechief ambassadeurs à Rouen, devers le roy d'Angleterre ; car moult désiroit d’avoir alliance avecques le duc, pource que il scavoit que par son moyen il pourroit avoir madame Catherine de France, mieux que par nuls aultres. Quand les ambassadeurs du duc eurent monstré les causes et articles pourquoi ils estoient venus, le roy feit response que, dedans briefs jours, il enverroit devers le duc, de ses gens, qui seroient chargés de l'intention qu'il avoit de faire. Après lesquelles responses, retournèrent lesdicts ambassadeurs à Arras, devers le duc ; lequel feit là faire le service de son père, en l'église de Saint-Vaast, moult solennellement. Et brief ensuivant veinrent devers le duc les ambassadeurs du roy d'Angleterre ; et monstrèrent au duc aucuns articles contenans le traictié tel que le roy le vouloitavoiravecquesle duc ; sur lequel feurent baillés pareillement auxdicts ambassadeurs certains aultres articles de par le duc. Finablement, tant envoyèrent le roy d’Angleterre et le duc l’un devers l’aultre, qu’ils veinrent à conclusion d’avoir bon appointement, au Cas que le roy et son conseil en seroient bien contents. Pour iceluy temps, le roy, la royne et dame Katherine estoient à Troyes en Champagne. Sur lesquels traictiés dessusdits et appointemens ainsi encommencés, feut ordonné que leurs gens ne feroient point guerre l'un à l’aultre ; et feurent les trefves derechief confirmées. Et si feut appointé que le roy d'Angleterre enverroit ses ambassadeurs, en la compaignie du due, audict lieu de Troyes, pour au surplus conclure des appointemens et conventions, et pour venir à toute bonne conclusion. Et avoit le duc intention de y aller brief ensuivant.

Le duc se partist de la ville d'Arras environ le mois de mars, où il laissa la duchesse sa femme, et print son chemin à Sainct-Quentin; et la séjourna certaine espace de temps, en attendant son armée. Et là veinrent devers luy les ambassadeurs du roy d'Angleterre, tous en armes , jusques au nombre de cinq eents com-