CHAPITRE XCVIIL

battans ; desquels estoient les principaulx , les comtes de Warwick et de Kinte, et pluiseurs aultres, qui tous ensemble s’en allèrent avecques le duc jusques à Troyes en Champaigne. Si lay veinrent au-devant pluiseurs grands seigneurs de Bourgongne, et aultres notables bourgeois de la ville de Troyes, qui luy feirent grant honneur et révérence; et feut convoyé d’iceulx jusques à son hostel ; et estoit le peuple en grant multitude par où il passoit. criant Noël à haute voix. En aucuns briefs jours ensuivant, feurent assemblés pluiseurs consaux en la présence du roy, de la royne et du duc, pour avoir advis sur la paix finale que vouloit avoir le roy d’Angleterre avecques le roy. Finablement , après pluiseurs parlements tenus avecques les ambassadeurs d'Angleterre, feut conclu et accordé en la faveur du duc, que le roy donneroit à Henry, roy d'Angleterre, madame Catherine, sa fille, en mariage, et après ce, le feroit vrai héritier après sa mort, et successeur de tout son royaulme , luy et ses hoirs, en déboutant son propre fils et héritier le daulphin, et aussi en annulant la constitution jadis faicte par les roys de France et les pairs, en grand délibération ; c'est assavoir que le noble royaulme de France ne devoit succéder à femme et appartenir ; et mesme, s’il advenoit que iceluy roy Henry, ne eust hoirs venans d’iceluy mariage, par le moven d’iceluy traictié et accord, si demeureroit-il héritier de la couronne de France, au préjudice de tous les royaulx qui en temps à venir y pourroient et devroient succéder de droite ligne. Et feut tout ce faict et accordé parleroy, en la présence du duc. Et avecques ce, le roy d'Angleterre se devoit nommer régent et héritier de France, comme il feit. Ce traictié faict en la forme dicte, s’en retournèrent les ambassadeurs d'Angleterre à Rouen, portants avec eulx la copie dudict traictié, qui moult feut agréable au roy d'Angleterre. Et pour ce, au plus brief qu'il peut, prépara ses besognes en Normandie, et assembla ses gens pour aller à Troyes, pour confirmer iceluy traictié. A Troyes estoit demeuré, de par le roy d'Angleterre, messire Loys de Robersart, pour accompaigner et visiter madame Catherine de France.

Je lairai à parler du roy, et parlerai du daulphin.