Â4A CHAPITRE XCIX
Comment le daulphin se fortifia contre ses ennemis; et comment le comte de Conversan, messire Jehan de Luxembourg, son frère, et autres, asségicrent la forteresse de Alibaudiére qui leur feut rendue; et de plusieurs places au pays de l'Auxerrois, qui se reudirent au roy.
Durant les traictiés, le daulphin et ceulx de son conseil, qui estoit à Bourges, ouyrent certaines nouvelles des alliances qui se faisoient contre luy, dont il feut en grant souci comment il pourroit résister contre, et aux emprises du roy d'Angleterre et du duc, scachant que, par le moyen desdictes alliances, il estoit en péril de perdre la seigneurie et attente qu'il avoit à la couronne de France. Néantmoins il eut conseil de pourvoir à son faict ; et feit garnir pluiseurs villes sur les frontières de ses adversaires, et y constitua capitaines des plus féables à ceulx de son parti ; entre lesquels meit à Melun le seigneur de Barbasan ; à Montereau, le seigneur de Guitry; à Montargis, messire Robert de Lore ; à Meaux-en-Brie, le seigneur de Gamaches ; à Compiengne et à pluiseurs aultres villes et forteresses, feit pareillement. Avecques ce, se pourvéy de grand nombre de gens pour estre toujours auprès de sa personne, en attendant les adventures qui de jour en jour pouvoient luy advenir. En ce temps, 1420, le duc envoya le comte de Conversan, messire Jehan de Luxembourg son frère, le seigneur de Crov et pluiseurs aultres, mettre le siége devant une forteresse nommée Alibaudière, séant à trois lieues de Troyes. Or adveint que le vaillant chevalier messire Jehan de Luxembourg, au mettre le siége, à une saillie que ceulx de la place avoient faicte combattirent main à main, tellement qué ledict de Luxembourg feut féru au-dessus de l’œil, d’un coup de lance, si grand que on cuidoit qu'il en dust mourir ; et de ce coup en perdit l’œil, et demeura borgne ; et tinrent le siège, le comte de Conversan, le vidame d'Amiens , le seigneur de Croy et pluiseurs aultres ; et feut la place merveilleusement battue de canons. Et qu'il soit vrai, adveint une fois, durant ledict siége, que aucuns compaignons de ceulx du siége, à une heure après disner et avoir bien bu, commencèrent une escarmouche, par telle facon qu’ils saillirent dedans les fossés, en' criant : A l’assault! Lors incontinent, sans ordonnance nulle,
MÉMOIRES DE SAINT-REMY
toute la pluspart de ceulx du siége coururent atout bers de charriots en lieu d'eschelles. La vissiez estendarts apporter ; et ceulx qui les portoient mettoient grant peine de les porter sur les tours qui abattues estoient. Or est vrai que ceulx de dedans feurent surpris, et ne se doutoient de l’assault. Or, pour ceste cause, n'eurent loisir d’eulx armer ; pourquoi grant partie d’eulx feurent morts et navrés ; et n'eust esté dix ou douze charriottées de barres de fer que ils avoient en leur place, dont ils grevoient fort les assaillants, ils eussent esté prins d’assault. Lequel assault dura jusques à la minuit; toutesfois la place, pour ceste fois, ne feut prinse ; mais le lendemain, sans plus attendre, se rendirent et s’en allèrent en pourpoints, sans rien aultre chose emporter. Toutesfois y eut des gentilshommes navres, à qui on donna des petits chevaulx pour eulx en aller. Icelle place rendue, les biens feurent habandonnés à ceulx du siége. Après la place rendue, retournèrent les gens du duc à Troyes, excepté le vidame d'Amiens et aucuns aulires qui retournèrent en Picardie ; et estoient bien six cents chevaulx; lesquels feurent chassés de quatorze mille Daulphinois, dont Barbasan et Taneguy estoient chefs, lesquels estoient assemblés pour lever le siège de Alibaudière ; mais le vidame et ses gens se gouvernèrent si bien qu'ils ne perdirent rien; et s’en retournèrent les Daulphinois sans rien faire. En ce mesme temps le ducenvoya aucuns de ses gens en pays d’Auxerrois, pour mettre en l’obéissance du roy et de luy aucunes forteresses que tenoient les gens du daulphin, lesquelles, ou la pluspart, feurent rendues, et pluiseurs abattues et desmolies, à la grant desplaisance du daulphin.
