CHAPITRE C

Coinment le roy Henry d'Angleterre espousa madamc Kathcriue de France, eu la ville de Troyes, en Champaizgne.

En l’an 1420, se partit de Rouen le roy Henry d'Angleterre, pour aller à Troyes; et alla audevant de luy, pour luy faire honneur et révérence , le duc et pluiseurs aultres grands seigneurs, lesquels le convoyèrent jusques en son hostel où il se logea ; et tantost après sa venue, alla veoir le roy, la royne, et dame Catherine leur fille, qui feirent très grant honneur l’un à l'autre ; et après ce faict, s’assemblèrent et lin-

rent de grands consaulx pour conclure la paix finale et alliance; dont devant est faict mention. Etenfin feurent d'accord, etce qui paravantn'estoit agréable au roy d'Angleterre feut lors corrigé, la pluspart à sa volonté. Finablement,après l'accord faict, il fiança, selon la coustume de France madame Katherine; et lendemain, jour de la Trinité, 1420, le trentiesme jour de mai, l’espousa en l’église paroichiale. Si feurent faicts ce jour, par luy et ceulx de son sang, grands estats et boeubans, et tant richement vestus et parés de drap d’or et de soie de riche couleur, et chargés de pierres, que Franchois et Bourguignons s’esmer veilloient où telle richesse pouvoit avoir esté prinse. Et là estoit du parti du roy, le duc, par le moyen duquel les traités et alliances se faisoient. Siestoient avecquesleduc, pour le accompaigner, le prince d'Orange, le seigneur de Joinvelle, le Veau-de-Bar, le seigneur de Montagu, messire Jehan de Cotte- Brune, mareschal de Bourgongne et de Picardie, le comte de Conversan, messire Jehan de Luxembourg, le seigneur de Croy, le seigneur de Haubercourt, le seigneur de Longueval, le seigneur de Roubaix, messire Hue de Lannoy, et pluiseurs aultres , qui ensemble, ou la pluspart, procurèrent, avecque le duc, d'entretenir pardurablement iceluy traictié, duquel la copie s'ensuit.