CHAPITRE CI

Le traiclié faict entre les roys de France ct d'Angleterre.

« Charles, par la grace de Dieu roy de France, à tous nos baillifs, seneschaux, prévosts ou aultres chefs de nos justices, ou à leurs lieutenants, salut :

« Comme, par accordance, finale et perpétuelle paix, soient huy faictes et jurées, en ceste nostre ville de Troyes, par nous et nostre très cher et amé fils Henry, roy d'Angleterre, héritier et régent de France, pour nous et luy, les royalletés de France et d'Angleterre, tant par le moyen du mariage de luy et de nostre très chère et très amée fille Catherine, comme de pluiseurs points et articles, faicts, passés et accordés par chacune, pour le bien et utilité de nous et de nos subjects, et ceulx de nostredit fils, et pour la seureté d’iceulx pays; par le moyen de laquelle paix, chacun de nosdicts