CHAPITRE CI
subjects et ceulx de nostredit fils, désormais en avant, pourront converser, marchander et besongner les ungs avec les aultres, tant de la la mer comme decà.
« Llem, est accordé que nostredit fils Henry, roy d'Angleterre, nous honorera doresnavant comme son père, et nostre compaigne la royne comme sa mire, et avecque che, ne nous empeschera, nostre vie durant, que nous jouissons et possessons paisiblement de nostredit royaulme et de la couronne, dignité et royaleté de France, et les revenus et profits, à la soutenance de nous, de nostre estat et des charges du royaulme avec partie desdites rentes et revenus à elle convenables.
« Jiem, est accordé que nostredite fille Catherine aura et prendra au royaulme d’Angleterre douaire, ainsy que les roynes ont au temps passé accoustumé d’avoir ; c’est assavoir pour chacun an, quarante mille escus, les deux valiant toujours ung noble d’Angleterre.
« Liem, est ordonné que, s’il arrivoit que nostredite fille survéquit nostredit fils le roy Henry. elle prendra et aura au royaulme de France, tantost après le trespas de nostredit fils, douaire de la somme de vingt mille francs par an, dessus les terres et seigneuries que tint et eut en douaire nostre très chère dame de bonne mémoire, Blanche, jadis femme de Philippe, en son temps roy de France, nostre très redoubté. seigneur et grand ayeul.
« Item, est ordonné que tantost après nostre trespas, et dès lors en avant, la couronne et royaulme de France, avecques tousles droits et appartenances, demoureront et seront perpétuellement à nostredit fils le roy Henry d’Angleterre et à ses hoirs.
« Jlem, que nostredit fils le roy Henry labourera de son pouvoir, et le plutost que faire se polra, à mettre en notre obéissance toutes villes et cités, chasteaux, lieux, pays et personnes dedans nostre royaulme désobéissans à nous et tenans la partie vulgairement appelée du daulphin et Erminacq.
« liem, que toutes choses quy sont et seront appoinctées et accordées entre nous et nostre compaigne la royne, et nostredit fils le roy
Henry avecquesnostre conseil à che commis, les grands seigneurs, barons et estats de nostredit royaulme, tant spirituels comme temporels, et aussy les cités, communautés, citoyens et
bourgeois des villes dudit royaulme, en tant que à eulx et à chacun d’eulx polra toucher, en tout bien et léalement garderont et feront leur povoir de bien garder contre tous aultres.
« Jiem, que continuellement et incontinent nostre trépas advenu, ils seront féaulx hommes et liges de nostredit fils le roy Henry et de ses hoirs, et iceluy nostredit fils Henry tiendront pour leur seigneur souverain lige et vray roy de France, sans aulcune opposition, contradiction, ou difficulté, le recevront et comme à tel obéiront; et après ces choses jamais ne obéiront à aultre que à nous, comme à roy ou à régent du royaulme de France.
« Item, est accordé que nous, durant nostre vie, nommerons et appellerons iceluy nostre fils le roy Henry, en langue franchoise, en ceste manière : « Nostre tres cher fils roy d’Angleterre, héritier de France, »etenlangaigelatin, en ceste manière : « Moster præclarissimus filius Henricus, rex Angliæ , hœres Franciæ.
« Jtem, est ordonné que nous, sur les choses déclarées et chacune d’icelle, outre nos lettres scellées de nostre grand scel, donnerons et ferons donner et faire à nostredit fils Henry lettres patentes, approbatoires et confirmatoires de nostre compaigne la royne, de nostre cousin le duc de Bourgongne et des aultres de nostre sang royal, des grands seigneurs, barons et cités à nous obéissants, desquels, en ceste partie, nostredit fils le roy Henry vouldra avoir lettres de nous.
« liem, que semblablement nostredit fils le roy Henry pour sa partie, oultre ses lettres patentes, pour ces mesmes choses scellées de son grand scel, nous fera donner et faire lettres patentes, approbatoires et confirmatoires de ses très chers frères et des aulires de son sang royal, des grands seigneurs, barons et cités à luy obéissans , desquelles en ceste partie nous vouldrons avoir lettre de nostredit fils le roy Henry.
Toutes lesquelles choses dessus escriptes, nous Charles, roy de France, pour nous et nos hoirs en tant que polra toucher, sans doi, fraude et mal engin, avons promis et promettons, juré et jurons, en parole de roy, aulx sainctes Evangiles de Dieu par nous corporellement touchées, faire, accomplir et observer, et que iceluy ferons par nos subjects observer et accomplir, et aussy que nous ou
MÉMOIRES DE SAINT-REMY
nos héritiers ne viendront jamais au contraire des choses dessusdites, en quelque manière ou jugement, ou dehors, directement ou par oblique, ou par quelconque couleur exquise.
Et afin que ces choses soient fermes et estables perpétuellement et à tousjours, nous avons faict mettre nostrescel à ces présenteslettres, données à Troyes, le vingt-un jour de may, l’an 1420, et de nostre règne le quarantiesine ; scellées à Paris sous nostre scel ordonné, en l’absence du grand. Ainsy signées, par le roy et son grand conseil.
