CHAPITRE CII

Comment les roys de Francect d'Angleterre asségièrent Sens, en Bourgougne, qui leur feut rendue, et la ville de Montereau-où-faul-Youne, prinse d'assault, et le chasteau rendu par composition, comiwent le corps de feu le duc Jehan feut porté ct'enterré aux Chartreux, à Dijon, en Bourgongne ; et comment Ie daulphin print la ville de Saint-Esprit, sur ke Rhosne, ct pluiseurs autres forteresses, en Languedoc.

Vous avez ouy comment le roy de France et d'Angleterre et le duc de Bourgongne avoient juré paix finale, et aussy l'avoient juré les priaces, gens d'église, chevaliers et escuyers, et aultres quy là estoient ; et avecques che feut ordonné d'envoyer gens notables par les bonnes villes pour faire jurer icelle paix, dont pluiseurs des terres et seigneuries du duc feurent moult desplaisants. Et de faict, fallut que le duc le commandast à pluiseurs de ses subjects et amis, quy le serment ne vouloient faire. Entre lesquels Loys de Luxembourg, quy despuis feut cardinal de Rouen, et messire Jehan de Luxembourg son frère, ne le vouloient faire; mais le duc keur commanda qu’ils le fissent. Auquel ils répondirent que, puisque c'estoit son plaisir, ils le feroient, mais ils le tenroient jusques à la mort ; et aussy firent-ils comme cy-après sera dit. Après tous les traictiés dessus déclarés et accomplis, aussy la solemnité des nopces parfaicte, comme dict est, se partirent les roys, les roynes et leduc,avecques toute leur puissance, de Troyes. Si tirérent vers Sens en Bourgongne, que occupoient les gens du daulphin ; et là eulx venus, feut icelle ville asségiée, où ils feurent environ douze jours. Mais ceulx de la ville quy n’avoient espérance nulle de secours, se rendirent en l’obéissance du roy, par condition que les gens

d'armes s’en iroient saufs corps et biens, réservés ceulx quy seroient coupables de la mort du due Jehan de Bourgongne, sy aulcuns en y avoit. Après icelle ville rendue, prise et mise en l’obéissance du roy, se partirent les roys et duc pour aller vers Montereau, et à l'entrée du mois de juin mirent le siége tout à l’environ de la ville et chasteau de Montereau, où ils feurent bonne espace de temps. Dedans laquelle esioit capitaine, pour le daulphin, le seigneur de Guitry, accompagné de quatre à cinq cents combattants, lesquels bien et vaillamment se défendirent, mais peu leur profita; car le jour Sainct- Jehan-Baptiste ensuivant, aulcuns Anglois et Bourgongnons, sans ordonnance ny commandement, s’esmurent soudainement, et tous ensemble allèrent assaillir en pluiseurslicux icelle ville; et tant continuèrent queils entrèrent dedans ; et eulx venus dedans,allèrent deversle chastelouse retrairent la plus grand” partie des Daulphinois, quy moult vigoureusement feurent poursuivis et reboutés dedans le chastel, dont les aulcuns feurent si près hastés qu'ils cheurent en l’eau, et là feurent noyés. Après, se logèrent Anglois et Bourgongnons dedans la ville, devant le pont du chastel ; et allérent les gens du duc, par l'avertissement d’aulcunes femmes, au lieu où estoit enterré le duc Jehan de Bourgongne, et présentement mirent sur la tombe un drap d'église et allumèrent à chacun bout de ladite tombe un cierge; et lendemain par le duc, fils d’iceluy trespassé, feurent envoyés pluiseurs notables chevaliers et escuyers de son hostel, pour le faire desterrer, lesquels le firent mettre hors de terre. Mais à la vérité, c’estoit piteuse chose à le voir, et avoit encore son pourpoint, ses housseaux, la barette en son chef, et ainsy avoit esté mis en terre; et en vérité là n’avoit homme qui se pust tenir de plourer. Et en tel estat feut mis en un cercueil de plomb, garny de sel et espices, et de là porté en Bourgongne enterrer en l’église des Chartreux de Dijon, laquelle avoit faict fonder le duc de Philippe son père; et là feut auprès de lui enterré par l'ordonnance du duc son fils. En icelle fosse dont il feut tiré, feut mis dedans messire Butord, bastard de Croy, quy à l'assaut et prise de la ville fut tué. Après la prise de Montereau,