CHAPITRE CIT
allèrent loger entre deux rivières, c'est assavoir entre Seine et Yonne; et de tous costés approchèrent ladite forteresse, et firent dresser plusieurs engins pour icelle abattre. Or est vray que le roy d'Angleterre avoit pluiseurs prisonniers, lesquels avoient esté prins à l’assaut de ladite ville, aulxquels il fit dire que il les feroit tous pendre sy ils ne trouvoient la manière que le chastel se rendist à luy. Sy feut advisé que iceulx prisonniers, à seurcté on les feroit parler à leur capitaine et à leurs amis quy dedans le chastel estoient, pour scavoir sy ils le rendroient au roy d'Angleterre, disans que ils estoient tous morts sy ils ne rendoient la place; mais, pour prière ne remonstrances qu’ils sçussent faire, le capitaine ne le vouli faire. Alors iceulx prisonniers se mirent à genoux en priant à leur capitaine qu’il eust pitié d’eulx, ou ils estoient morts, et en rendant la place il leur sauveroit leurs vies. Aulxquels il respondit qu’ils fissent le mieulx qu’ils polroient et qu’il ne le rendroit pas. Et lors feurent ramenés lesdits prisonniers en l’ost, auquel lieu le roy d'Angleterre fit dresser un gibet, où lesdits prisonniers feurent tous pendus véans ceulx du chastel. Et après ces choses faictes, ceulx du chastel se tinrent environ huit jours, et puis firent traictié avec le roy d'Angleterre de rendre le chastel, par sy qu’ils s’en iroient saufs corps et vies, réservés ceulx qui scroient coupables de la mort du duc Jehan de Bourgongne, lesquels demoureroient en la volonté du roy d'Angleterre et du duc; et ainsy s’en allèrent les Daulphinois. Pour laquelle rendition le seigneur de Guitry feut fort blasmé, pour tant qu'il avoit ainsy laissé mourir ses gens, pour si peu aprés tenir, et avecques ce luy feut imposé que il estoit coupable de la mort du duc Jehan, et sur che offrit combattre un gentilhomme de l'hostel du duc, nommé Guillaume de Brie; mais en conclusion, le seigneur de Guitry se excusa, et n’y feut plus avant procédé. Tantost après le roy d'Angleterre mit bonne garnison dedans la ville et chasteau de Montereau, et fit préparer son ost pour brief ensuivant mettre le siége devant la ville de Melun. Etentre tant que ces choses se faisoient, le roy, la royne et le roy d'Angleterre se te-
le roy d'Angleterre et le duc deslogèrent d’où | noient à Bray-sur-Seine,avecques tout leur estat. ils estoient, et par un pont que ils avoient faict | Alors vint devers le roy d'Angleterre le duc de
faire nouvellement sur la rivière de Seine,
Bethfort, son frère, atout huit cents hommes
d'armes et deux mille archers. Sy feut receu en grand’ licsse ; pour la venue duquel la puissance du roy d'Angleterre feut grandement efforcée. Le daulphin et sa puissance estoient lors ès parties de Languedoc ; et alla mettre le siéze devant la ville du Saint-Esprit sur le Rhosne, dedans laquelle estoient les gens du prince d'Orange, tenans le parti de Bourgongne, laquelle luy feut rendue, et pluiseurs aultres forteresses au pays de Languedoc, lesquelles avoient tenu le party du duc par le moyen du prince d'Orange; et che faict s’en retourna le daulphin à Bourges en Berry, et assembla de toutes parts grand’ puissance de gens pour résister allencontre des puissances du roy d'Angleterre et du duc, lesquelles il scavoit estre prests pour conquerre et subjuguer les villes et pays quy se tenoient à luy.
