CHAPITRE CIII
De la croisie contre les Bohémois et Pragois, laquelle ne profita gaires ou rien.
En che temps, nostre Sainct-Père le pape ordonna une croisie pour aller sur les Pragois, duquel estvient conducteur , avec grant foison princes d’Allemaigne, l’évesque de Coulongnef, l’évesque de Liége, l’archevesque de Trèves, l’évesque de Mayence, le duc Loysen Bavière, le marquis de Misse®, et pluiseurs aultres princes; lesquels tous ensemble estoient quarante-deux, que dues, que comtes, que marquis, sans les Savoyens, dont estoient chefs le seigneur d’Ais, le seigneur de Varembon, et le seigneur de Grolée , avec pluiseurs aultres qui estoient sous eulx , et en la compaignie dü duc de Heiïidelberch, qui print son chemin par Neurembourg , au pays et royaulme de Behaigne, qui est moult bel et plantureux de tous biens, plein de villes, villages et chasteaux, lesquels on mettoit en destruction , par feux et espées , hommes, femmes et enfants. Et, à la vérité, ainsi que pluiseurs hommes racontoient, dignes de foy , quand les puissances se trouvèrent en la plaine, assez près de Souch, devant laquelle on meit le siége, ceulx qui estoient de cheval furent estimés cent cinquante mille personnes, teste armée, sans les gens de pied , chartons et marchands menans vivres, que on
(1) Cologne. (3) Misnie.
MÉMOIRES DE SAINT-REMY
disoit estre plus de soixante mille. Laquelle armée dessusdite fut devant icelle ville environ un mois. Mais une envie et convoitise se mit entre les princes, parquoy l’armée, qui tant estoit grande, profita bien peu ; et s'en partirent subitement sans rien faire ; et . à la vérité, à les voir partir de leur siége, il sembloit qu’ils fussent chassés de leurs ennemis. Et en icelle armée estoit le cardinal d'Exestre , qui estoit d'Angleterre , lequel disoit, par grande desplaisance, voyant le desroy , que si y eust eu ce jour dix mille archers d'Angleterre, il eust rué jus touttes les compaignies qui là estoient , laquelle choseest véritable; car l’un n’attendoit l’aultre; et ainsi se despartit l’armée sans rien profiter. Atant vous layerai à parler de ceste matière, car le peu parler en est bon , et parlera y du roy d'Angleterre et du duc.
