CHAPITRE CIV
Du slége de Melun, quy feut environnée de Lous costés ; com ment le roy d'Angleterre y aimcena la royne sa femme; cl cominent, par traictié, celle feut rendue, et de plusieurs incidens ; et comment les roys ct roynes entrèrent à Paris, el à grant joie feurent reçus.
Or nous convient parler du roy d'Angleterre et du duc, lesquels, après qu’ils eurent conquis Montercau, si partirent pour aller à Melun, que tenoient les gens du daulphin, laquelle fut asségiée tout à l’environ; et le roy avecques les roynes allèrent tenir leur estat à Corbeil. En la compaignie du roy d'Angleterre avoit un duc en Bavière , lequel avoit espousé sa sœur’. Iceulx Bourguignons et Anglois mirent leur intention de vouloir approcher leurs adversaires, et firent dresser leurs engins, pour desrompre les murs de la ville, dedans laquelle estoit capitaine général et principal le scigneur de Barbasan , avec de six à sept cenis combattans , lesquels vaillamment se deffendirent. Touttefois, nonobstant leurs deffenses, furent approchés en pluiseurs lieulx jusques à leurs fossés, tant par mines que par bolvers. En outre, fut faict sur la rivière de Seine un pont sur bateaux, par lequel les assiégeans pouvoient tout autour de la ville secourir lung l’aultre pleinement. Et dura le siége dix-huit sepmaines. La ville fut fort battue ; mais tantost que les murs estoient rompus par les en-
(4) Blanche sa sœur avoit épousé Louis de Bavière, comte palatin du Rhin.
gins , iceulx asségiés les refaisoient soigneusement de queues! pleines de terre, et d’aultres besognes à ce compétentes.
Après certaine espace de temps que le siége de Melun fust fermé, comme dit est, y fut mené le roy , afin que plus seurement on peuist sommer ceulx de la ville qu’ils se rendissent au roy leur souverain seigneur ; mais à ce firent response que à son estat privé très volontiers lui feroient ouverture, disans que au roy d’Angleterre, ancien ennemi du royaulme, point ne obéiroient. Néanmoins, le roy fut grande espace au siége, sous le gouvernement du roy d'Angleterre son beau fils ; et en ce mesme siége fist le roy d'Angleterre amener sa femme la royne , grandement accompaigniée de dames et damoiselles; et y séjourna environ un mois, estant logée en une maison que le roy son mari avoit faict faire emprès ses tentes, qui estoient loin de la ville, afin que de canons ne pussent estre travaillées. En ce temps, la royne de Secille?, veuve du roy Loys de bonne mémoire, donna congié à son fils aisné pour aller à Rome, afin que de la main de nostre Sainct-Père le pappe il fust couronné roy de Naples; et le bailla aulx Florentins et Genevois5, sur leur loyauté; lesquels estoient ancrés atout4 quinze galées d'armes au port de Marseille, qui estoit de la terre de ladite royne ; mais elle retint en ostage pour son fils huict des plus nottables barons du royaulme de Naples et de ses pays environ, qui le estoient venu quérir de par les cités et bonnes villes du royaulme de Naples ; et ce firent par la hayne qu'ils avoient à leur royne, femme de messire Jacques de Bourbon, comte de La Marche, laquelle tenoit pour lors son mari prisonnier, par discorde qu’elle avoit eu à lui et à ses gouverneurs. Or s’en va le josne prince Loyÿs, nageant par mer, ès galées dessusdites : ct entra à Rome; et là receut solemnellement sondit royaulme par la main du pappe, jà-soit ce que lors ne fust pas couronné ; et fut , de ce jour en avant , nommé roy Loys, comme avoit esté par avant son père. Or retournerons à nostre matière.
Durant le siége de Melun , comme dessus est dit, furent mises en la main du roy d’Angleterre, par le commandement du roy et consen-
