CHAPITRE CIV
cy-après déclarées; c’est assavoir, la bastille Sainct-Anthoine , le Louvre, la maison de Nelle et le bois de Vincennes. Pour lesquelles recevoir fut envoyé le duc de Clarence, lequel fut constitué capitaine de Paris. En ceste mesme année , et durant le siége de Melun, pluiseurs courses se faisoient, tant d’un costé comme d’aultre, qui trop longues seroient à raconter, car tant de tribulations estoient lors par le royaulme de France que piteuse chose estoit à voir et ouyr raconter. En icelle année, trespassa en la ville de Blois Philippe, comte de Vertus, frère de Charles, duc d'Orléans, prisonnier pour lors en Angleterre ; lequel comte de Vertus gouvernoit en France toutes les terres de ses frères dessusdits. Pour lequel trespas le daulphin fust fort affoibli d’aide et de conseil ; et aussi ses deux frères , qui estoient prisonniers en Angleterre, eurent au cœur grant tristesse, comme raison estoit; car, en leur absence, euix estans prisonniers, tant qu’il vesquy gouverna léalment et sagement leurs dominations et seignouries. Or convient retourner à l’estat du siége de Melun , durant lequel se férit en lost du roy d'Angleterre grant mortalité de épidémie ; pour quoy il perdit grant nombre de ses gens. Et, de l’autre costé, se partit de l’ost du duc le prince d'Orange et pluiseurs autres. Pour lequel partement le duc envoya hastivement devers messire Jehan de Luxembourg, lors capitaine de Picardie, et lui manda qu’il assemblast le plus de gens et grant nombre qu’il pourroit, et le menast devers lui au siége de Melun. Lequel y vint tost après. Et quand il vint au-dessus de Melun, ayant ses gens en bataille, ceulx de la ville ce voyans cuidèrent avoir secours, et firent sonner les cloches, et monter sur les tours, crians hautement à ceulx de lost que ils missent leurs selles, et que ils seroient deslogiés. Mais tantost percurent que c'estoient leurs ennemis : pour quoy testes baissées , touttes joies cessans , descendirent de leurs murs, sans espérance de ce jour en avant de plus avoir secours du daulphin; car ils lui avoient pluiseurs fois noncé la pestilence où ils estoient contraints : car, par famine , mangèrent chevaux et aultres vivres non appartenans à créature humaine : et, finablement, commen-
tement du duc et des Parisiens, les forteresses ! Cèrent à parlementer aux Anglois ; et tellement
(1) Tonneaux. (2) Sicile. (3) Génois.
J. Du Cuerco ET ST. Remy.
(4) Avec. :
fut appointé que ils rendroient la ville et le chasteau de Melun au roy d’Angleterre, et se met-
troient tous généralement , tant hommes d’armes, bourgeois et habitans, comme touttes aultres personnes , en la grace des deux roys, lesquels les recevroient par telle manière que, s’il y en avoit aulcuns qui fussent trouvés coupables ou consentans de la mort du duc Jehan de Bourgongne, on leur feroit justice et raison, et ceulx qui ne seront trouvés coupables, n'auront garde de mort, mais demeureront prisonniers jusques à tant qu'ils auront baillé bonne caution de jamais eulx armer avec les ennemis desdits roys.
tem , que tous les dessusdits , tant bourgeois comme gens d'armes, mettroient tous leurs biens et armures dedans le chastel, et se rendroient tous prisonniers à cause de la guerre, et leur quitteront leur foi et rançon; et, pour seureté de ce, bailleront douze des plus notables en hostaiges, de ceux de la ville. Che traictié lors accordé et parfourni, fut tantost la ville et chastel mis en l’obéissance des roys. Et après l’accomplissement d’icelles besognes, tous les gens d'armes Daulphinois, desquels estoient principaux messire Pierre de Bourbon, seigneur de Préaux , le seigneur de Barbasan , et cinq ou six notables hommes et aulcunes gentillesfemmes, et grant partie des bourgeois de la ville, furent menés par les commans des deux roys, à force de gens d'armes , à Paris, ef la emprisonnés au Chastelet, en la maison du Temple , et en la Bastille, et aultres places.
Item, fut défendu, par les deux roys, que nul n’entrast dedans la ville et chastel capital, sinon ceux qui à ce commis seroient.
Or, est vrai que pendant le tempsque lestraictés dessusdicts se faisoient, un gentilhomme de l’hostel du roy d'Angleterre, nommé Bertrand de Caumont, qui, à la bataille d’Azincourt, le propre jour, estant Franchois se rendit Anglois, pour cause que en Guyenne il tenoit du roy d'Angleterre, et pour sa vaillance estoit delui moult aimé, mais, comme dit est, icelui Bertrand , comme mal conseillé, par convoitise de pécune qu’il en eut, aida à sauver el mettre hors de la ville Aymerion du Lau, qui avoit esté, comme l’on disoit, coupable de‘la mort du duc Jehan de Bourgongne. Laquelle chose alors vint à la connoissance duroy d'Angleterre. Donc pour ce mesfaict lui fit copper La teste, jà-soit-ce que le duc de Clarence, son frère , le duc et aultres, lui priassent que il lui voulsist
pardonner : auxquels il respondit que plus n’en parlassent, et qu’il ne voulloit avoir nul traistre en son ost ; et en fit faire justice pour monstrer exemple aux aultres. Toutesfois, aulcuns disoient qu'il eust bien voulu racheter ledit Bertrand de dix mille nobles. Icelles besognes accomplies , le roy d'Angleterre et le duc donnèrent congé à aulcuns de leurs gens, et se partirent de devant Melun pour aller à Corbeil, où estoient le roy et les deux roynes de France et d'Angleterre ; et puis tous ensemble se partirent de Corbeil pour aller à Paris. Et allèrent les bourgeois de Paris au-devant desdits roys, en belle ordonnance; à l'entrée desquels fut par le peuple crié Noël ! partout où ils passoient. Et chevaulchoient les deux roys, moult richement vestus, de front , l’ung d’emprès l’aultre, le roy à dextre, et le roy d'Angleterre à senestre. Après eux estoient les ducs de Clarence et de Bethfort, frères du roy d'Angleterre. Et, comme j'ai entendu, le duc tint son rang à part, c’est assavoir au senestre du roy d'Angleterre, sans soi mettre avecque les ducs de Clarence et de Bethfort; et estoit vestu de noir. Après lui estoient les chevaliers de son hostel; et les aultres princes et chevaliers suivoient les deux roys d'assez près, En pluiseurs lieux encontrèrent les gens d’église , à pied, en procession, arrestés par les carrefours , où ils présentoient aux roys à baiser les sainctes reliques ; ct chevaulchèrent ensemble jusques à l'église Nostre- Dame, où ils feirent leurs oraisons. Après, remontèrent à cheval, et s’en alla chacun en son logis; c’est assavoir, le roy en son hostel de Sainct-Pol, etle ducavecqueslui; puis après que le duc eut convoyé le roy, il s’en alla logier en son hostel d’Arthois , et le roy d'Angleterre et ses deux frères, au chastel du Louvre; et le lendemain entrèrent dedans Paris les deux roynes de France et d'Angleterre. Allencontre desquelles allèrent le duc et pluiseurs seigneurs d'Angleterre, et aussi les bourgeois de Paris, en pareille ordonnance qu’ilsavoient este le jour devant; et fut de rechief faict toute joie à la venue des deux roys et roynes. Quant est à parler des dons et présens qui feurent faicts dedans Paris au roy d'Angleterre et à la royne sa femme, il seroit trop long à réciter. Tout ce jour et la nuit, couroit vin par les carrefours abondamment, par robinets d’airain et aultres conduits faicts par artifice. Par toutte la ville
fut faicte grand liesse pour la paix finale des deux roys, plus qu’on ne vous scauroit dire.
