CHAPITRE CV

Comment le duc de Bourgongne feit faire sa complainte au roy séant en justice, pour la mort du duc Jehan, son pere, el demanda réparation; de la response du roy; et comment René d'Anjou, frère du roy de Secile, épousa la fille hérititre du duc de Lorraine.

En bricfs jours après la venue des roys et princes à Paris, fut faicte grande complainte par le duc et le procureur de la duchesse de Bourgongne. Et pour icelle complainte, séy le roy, comme juge, en l’hostel Sainet-Pol, en la basse salle. Et là estoit assis sur le mesme banc où séoit le roy, le roy d'Angleterre. Auprès du roy, ès lieux ordonnés pour eux, estoient assis le chancellier de France, et maistre Philippe de Morvilliers, premier président en parlement , et pluiseurs aultres notables hommes du conseil du roy; et, d’aultre costé, vers le milicu de la salle, séoit sur un banc le duc; avecques lui, pour l’accompagner, les ducs de Clarence et de Bethford, les évesques de Terrouanne, de Tournay, de Beauvais et d'Amiens, messire Jehan de Luxembourg, et pluiseurs aultres chevalliers et escuyers du conseil du duc. Maistre Nicolas Rollin, lors avocat au parlement pour le duc et la duchesse sa mère, demanda audience aux deux roys de parler, comme il est de coutume de faire. Puis après proposa le félon et détestable homicide fait en la personne du duc Jehan de Bourgongne, dont il accusoit Charles, soy disant daulphin de Vienne , le vicomte de Narbonne, le seigneur de Barbazan, Tanneguy du Chastel , Guillaume Battilier, Jehan Louvet, président de Provence, messire Robert de Lore, Olivier Layet, Frottier, et tous les coupables dudit homicide; contre lesquels et chacun d’eux, ledict avocat conclut, afin que ils fussent mis en tombereaux , et menés par tous les carrefours de Paris, nues testes, par trois jours de samedy ou de feste , et tenir chacun un cierge en sa main, en disant à haute voix qu'ils avoient occis mauvaisement, faussement, damnablement et par envie, le duc de Bourgongne, sans cause raisonnable quelconque; et ce fait, ils fussent menés là où ils perpétrèrent ledict homicide ; c’est assavoir Montreau, et là