CHAPITRE CV

dissent et répétassent les paroles ; en oultre, où ils occirent fust faicte et édifiée une église ; et feussent ordonnés douze chanoines, six chapelains et six clercs, pour y perdurablement faire le divin service ; et feussent pourvus de tous vestemens de table, de livres, de calices, de nappes, et de toutes aultres choses nécessaires ; et feussent les chanoines fondés chacun de deux cents livres parisis, et les chapelains de cent, et les clercs de cinquante, monnoye dicte, aux dépens du daulphin et de ses complices ; et aussi pourquoi seroit faicte ladicte église fust escrite de grosses lettres entaillées en pierre au portail d’icelle; et pareillement en chacune des villes qui s’ensuivent, qu’il fust faict une pareille église; c'est assavoir à Rome, à Paris, à Gand, à Dijon, à Sainct- Jacques-de-Compostelle et en Jérusalem, où nostre Seigneur souffrit mort. Après laquelle proposition feut proposé de rechief par maistre Pierre de Marigny, avocat du roy en parlement, en prenant conclusion criminelle contre Les dessusdicts homicides. En oultre, Jehan Larchier, docteur en théologie dénommé par le recteur de Puniversité de Paris, proposa aussi moult bien authentiquement devant les deux roys, en eux enhortant par moult de manières, qu'ils feissent justice et punissent les coupables des crimes. Et là déclara moult de termes et de dignité de justice, et que ils entendissent et écoutassent bénignement aux requestes et prières du duc, afin que icelles requestes voulsissent mettre à effet. Après lesquelles propositions fut respondu de par le roy, par la bouche de son chancellier : que de la mort du duc de Bourgongne, de ceux qui si cruellement l’avoient occis, et des requestes contre eux présentement faictes de par le duc, il leur feroit, par la grace de Dieu, et bon advis et aide de son fils Henry, roy d'Angleterre, régent, héritier de France, là estant, bon accomplissement de justice de toutes les choses dictes et proposées sans faillir, Et ce faict, Les deux roys et tous les aultres retournèrent chacun en son hostel.

En ce temps, après les besongnes dessusdictes, fut faict le mariage de Réné d'Anjou, frère au roy de Sécile, marquis du Pont, par le don du cardinal de Barre, son oncle, et la fille héritière du duc de Lorraine ; et d'autre part, durant ces choses, messire Jacques de Harcourt,

qui encore feignoit tenir la partie du duc, et tenoit grosse garnison au Crotoy, faisoit guerre moult forte par terre et par mer allencontre des Anglois, dont le roy d'Angleterre de ce averty n'estoit pas bien content. En ces mesmes jours vinrent pluiseurs ambassadeurs et commis de par les trois Estats du royaulme de France, par avant mandés, avec lesquels furent tenus pluiseurs consaulx ; en la fin desquels feurent les gabelles et impositions, quatriesme et aultres subsides, remises sus, réservé les grains.