CHAPITRE CVI

Comment les roys de France et d'Angleterre linrent leurs estats à Paris, le jour de Noël; ct comment le roy d’Angleterre commença de régner en France.

Le jour de Noël tinrent les deux roys leurs estats dedans Paris ; assavoir, le roy à son hostel de Sainct-Pol, et le roy d'Angleterre au Louvre, lesquels estats feurent bien différents les uns aux aultres; car le roy estoit petitement et pauvrement servi, dont il desplaisoit moult à aulcuns Franchois qui le servoient. Et quant est à parler de l’estat du roy d'Angleterre, et de la royne sa femme, et des grants estats et habillements, dont luy, sa femme la royne, et les princes de son sang estoient adornés ce jour, seroit trop fort à raconter. Et de toutes parts venoient les subjects en humilité grande, pour luy faire révérence et honneur. Et dès lors commenca le roy d'Angleterre du tout à gouverner et administrer les besongnes du royaulme, et faire officiers à son plaisir, en démettant ceux qui par le roy et le duc de Bourgongne mort, et celuy lors présent, y avoient esté longtemps. Il constitua le comte de Kinte, capitaine de Melun, à toute garnison de gens d’armes, et le comte de Hontidonne, son cousin, Capitaine du bois de Vincennes. Et à Paris fut ordonné à demeurer avecquesleroy le duc d’Exestre, atout cinq cents combattants.

Après lesquelles ordonnances , et que la feste de la Nativité de nostre Seigneur fust passée, le roy d'Angleterre partit de Paris, et la royne sa femme, les ducs de Clarence et de Bethford, et aultres de ses princes et grants scigneurs, et

MÉMOIRES DE SAINT-REMY

Cauchon, docteur en théologie, nouvel évesque de ceste ville de Beauvais : puis de là s’en alla à Lille, à Bruges et à Gand, où estoit sa femme, la duchesse Michelle, où il séjourna environ trois semaines. Le rouge duc en Bavière, lequel estoit venu servir le roy d'Angleterre, son beau-frère, s’en retourna à son pays d’Allemagne, pour ce que il avoit eu nouvelles que les Bohémiens, instruits et enseigniés par un clerc de leur pays, quy estoit hérétique, s’estoient dressés et confusément esmues du venin d'hérésie, non pas seulement contre nostre foy catholique, mais avecques ce contre le roy d'Allemaigne, de Hongrie, de Bohesme ; et en grant multitude luy faisoient guerre mortelle.