CHAPITRE XXXIX

Comment Pierre de Bretaigne feit honneur au roy de la duchié de Bretaigne; et comment le roy envoya le comle de Dunois avec armée au pays de Guyenne; et de la renditiou du chastel de Montguyon et de la ville de Blaye.

Audict an cinquante, lendemain du jour des Ames, en une petite ville et chasteat nommée Montbason, Pierre, duc de Bretaigne nouvellement, par la mort de son frère Francois, feit hommaige au roy de France Charles, de la duchié de Bretaigne. et luy feit le serment en tel cas accoustumé ; et comme grand chambellan du roy le comte de Dunois print sa ceinture, l'espéc et le bouclier, comme à luy appartenoit. Et après le serment faict, le chancellier luy dict qu'il cstoit homme lige au roy de France, à cause d’icelle duchié; à quoy feut respondu par le chancellier du duc que, saulf la révérence du roy et de luy, il n’estoit lige à cause de celle duchié. Et sur ce feurent en alter-

cation une espace de temps ; et finablement le receuptleroy en foy auxus et coustumes, ainsy que ses prédécesseurs ducs de Bretaigne avoient faict. Et tost après il feit au roy ung aultre hommaige de sa comté de Montfort, à cause de laquelle il confessa estre son homme lige et vassal : et ce feut receu à grands honneur et chierre

du roy et de ses nobles. Et là, par l’espace de | quinze jours, y olt grand esbattementetliesse; et |

là feut festoyé des dames et damoiselles. Avecques le duc de Bretaigne estoit son oncle le comte de Richemont, connestable de France, et plusieurs aultres seigneurs et escuyers, jusques aunombre de quatre à cinq cents chevaux. Icelluy Pierre de Bretaigne succéda en la duchié, parce que le duc Francois son frère, dernier mort, avoit fait morir Gilles de Bretaigne, son second frère, parce qu’iceluy Gilles tenoit le party du roy Hénryd’Angleterre, duquel il estoit son connestable ès pays de decà la mer, et iceluy Françoistenoit le party du roy de France ; etenvironung an paravantla mort dudict Francois, l’avoit faict prendre prisonnier et l’avoit mis en la garde du seigneur de Montauban, nommé Arthus. Lequel Gilles, après qu’il avoit esté traictié par douces parolles, pour scavoir s’il se voulloit retraire du parti des Anglois, feut traicté par parolles rigoureuses; mais pour choses que on lui sceust dire, il ne se voullut retraire de son propos; parquoy le duc son frère conceupt haine mortelle contre luy. Et au mois de mai, le roy, estant en sa cité de Tours, ordonna le comte de Dunois et de Longueville son lieutenant général pour aller au pays de Guyenne, pour le réduire en son obéissance, et avecques luy grande et notable compagnie; et se partit ledict comte de Dunois audict mois de may, et s’en alla mectre le siége devant ung Chasteau nommé Montguyon. Auquel lieu vint au service du roy de France le comte d'Angoulesme, frère légitime du duc d'Orléans, maistre Jehan Bureau, thrésorier de France, Pierre de Louvain et plusieurs aultres, jusques à quatre cents lances, et leurs archiers et guisarmiers, avecques quatre mille francs archiers, lesquels tindrent siége, attendants plus grande seigneurie, laquelle debvoit venir; et lequel siége y feut l’espace de huict jours; et en estoit capitaine pour les Anglois Regnault de Sainct- Jehan, escuyer gascon et serviteur du capitaine de Beuil,avecques certain nombredegents