CHAPITRE CVIL
Comment le roy d'Angleterre retourna en Angleterre avec sa femme, qu'il feil courouner royne en la ville de Londres, en Angleterre, où il tint moull grant feste; de l'aide qu'il requit à ses subjects, qui liberalement luy accordèrent.
Après ce que le roy d'Angleterre eust ordonné ses besognes à Rouen, et commis capitaine général de toute Normandie son frère le duc de Clarence, quy estoit moult renommé en armes, il se party de là pour aller en Angleterre ; avecques luy la royne sa femme, son frère le duc de Bethfort, et bien six mille combattants, prit son chemin à Amiens. Si feut honorablement receu; et luy fit-on et à la royne sa femme plusieurs présents. Et de là par Sainct-
Pol, Dourlans et Thérouanne, alla à Calais, où
il séjourna aulcuns jours, et puis passa la mer
et alla en Angleterre, où il feut recu comme à
luy appartenoit. Et luy venu en Angleterre fit
ordonner tout ce qu’il appartenoit à couronner
Ja royne sa femme ; laquelle couronnation feut
faite en la cité royale de Londres, chef-ville du
royaulme; et là feut faite telle et sy grant feste que depuis le temps du très noble roy Arthus ne feut vue la pareille en Angleterre. Après laquelle feste le roy s’en alla en personne par les cités et bonnes villes de son royaulme, ct leur fit exposer et déclarer toutes les bonnes adventures qui par son grand labeur et peine luy estoient advenues en France, et les besognes quy luy restoient et demeuroient encore à faire
s’en alla à Rouen, où il séjourna longue espace ! audict rovaulme, et à subjuguer son adverdevant qu'il retournast en Angleterre. Et pa- : saire, le daulphin de Vienne, quy se disoit ré-
reillement le duc partant de Paris, s’en alla à Beauvais, à la feste et entrée de maistre Pierre
gent et héritier de France, et qui tenoit et occupoit la plus grant partie de France, et que pour
ce faire, et conquerre ledict royaulme , deux choses luy estoient nécessaires; c’est assavoir finances et gens d'armes; pour laquelle cause requéroit tous ses subjects qu'ils luy fissent ayde. Lesquelles requestes feurent accordées libéralement de‘tout son peuple et cités du royaulme d'Angleterre. Et pour vray, il assembla tantost si grant finance en or, argent et joyaux, qu’à peine le pouvoit-on nombrer.
Et, de fait, il eslut en son royaulme une grant compaignie de la josnesse du pays, les plus forts et habiles à la guerre; et en brief rassembla bien trente mille combattants pour retourner en France. Et luy estant en Angleterre, pour tenir le royaulme plus seur, prit trefves à ses ennemis de Galles et d’Escosse, quy par longtemps avoient esté prisonniers en son royaulme, moyennant que le roy d'Escosse prist à femme sa cousine germaine, sœur du comte de Somberset, et nièce du cardinal de Wincestre, lequel feut le principal de traictier icelluy mariage.
