CHAPITRE CVIII

Comment la duchesse de Brabant se partit du duc son mari, par jalousie, et s'en alla avecquesle scigneur de Robersart, en Angleterre, où elle se maria avecques le duc de Glocestre.

En ce mesme temps, madame Jacques de Bavière, duchesse de Brabant, laquelle outre sa volonté avoit esté mariée au duc de Brabant par la douairière de Haynault, sa mère, pour ce que on disoit que le duc de Brabant, son mary, tenoit une gentille femme, fille d'ung chevallier brabanchon, de fait, se partit la duchesse de l'hostel de son mary, et s’en alla loger en une hostellerie, en la ville nommée le Miroir ; et là feit tant, qu’elle feut envoyée devers la duchesse mère, la comtesse douair:ère de Haynault, laquelle l'envoya quérir, et s’en alla en Haynault devers sa mère. Quand le duc de Bourgongne sceut le partement de la du- Chesse de Brabant, sa cousine germaine, il en feut moult déplaisant, et envoya devers elle : et luy il s’en alla à Bruxelles devers le due de Brabant, et besogna tellement, que le jour feut pris que la duchesse de Brabant retourneroit à Bruxelles devers son mary. Auquel jour feurent criées unes joustes, pour à icelle rassemblée du duc de Brabant et de la duchesse , Sa femme, faire une grant et noble feste; mais le diable,