CHAPITRE CIX

Comment le daulphin feut banni du royaume et jugé indigne de la succession du royaume de France; et comment le seigneur de l'Isle-Adam feut fait prisonnicr du duc d'Exestre, capitaine de Paris.

Devant que le roy d'Angleterre se partist de Paris pour passer la mer, feut appelé le daulphin à la table de marbre ; et là feurent faites en ce cas toutes les sollemnités accoutumées contre lui et ses complices, pour le crime faict en la

personne de Jehan, duc de Bourgongne. Et pourtant que aulxdicts appeaulx ne alla ni envoya, feut par le conseil royal et par le parlement banni du royaulme, et jugé indigne de succéder à toutes seigneuries venues ou à venir, mesmement de la succession ct attente qu’il avoit à la couronne de France, nonobstant que de icelle fust vray hériticr apprès le trépas du roy son père, selon les coustumes anciennes de che noble royaulme. En après, le duc d'Exestre, qui estoit capitaine de Paris, pour certaines causes qui à che le murent, feit prendre le seigneur de Pisle-Adam par aulcuns de ses Anglois; pour laquelle cause s’assemblèrent jusques à deulx mille hommes du commun de Paris, pour le rescourre de ceulx quy le menoient à la bastille Sainct-Anthoine ; mais tantost le duc d’Exestre, à cinq cents combattants ou environ, la plus grant partie archiers, se férirent dedans eulx ; et feit tirer les archiers au travers des communes; pourquoi, tant pour la paour du trait comme par le commanclement qu’il leur fcit de par le roy, se retrayrent assez brief en leurs maisons, et le seigneur de l’Ile-Adam feut mis prisonnier, et y demoura durant la vie du roy d'Angleterre, lequel l’eust faict mourir, si n’eust esté la requeste que le duc luy en fcit.