CHAPITRE CX

Comment le duc de Clarence feut occis des Daulphinois, avecques la fleur de la cavalerie d'Angleterre, à la bataille de Baugé, au pays d'Anjou; et du mariage du duc d'Alenchon à la seule fille du duc d'Orléans.

Le jour de Pasques 1421, le duc de Clarence, tapitaine général de toute Normandie, apprès lé partement du roy d’Angleterre son frère, avoit tiené son ost devers le pays d'Anjou, où estoient assemblés en très grant nombre les Daulphinois; c’est assavoir le comte de Boken, connestable des Daulphinois, et le seigneur de la Fayette, capitaine, avec pluiseurs aultres capitaines, pour iceulx combattre et subjuguer. Advint que, che jour, le duc de Clarence ouyt certaines nouvelles que ses ennemis estoient assez près, en une ville nommée Baugé, en Anjou. Et pour tant ledict duc de Clarence, quy moult estoit renommé en armes, print sans délay une partie de ses gens, et à peu près tous les capitaines ; et moult asprement alla envahir ses ennemis, et commencèrent aspre et dure ba-

MÉMOIRES DE SAINT-REMY

. taille, où moult y eut de gens morts et navrés.

Et entre tant, la grant troupe de son ost suivoit de loin à très grant peine et danger, pour le mauvais pas d’une rivière qu’ils avoient à passer. Les Daulphinois, quy estoient avertis de la venue de leurs ennemis, commencèrent à combattre moult asprement ; et d’aultre part, les Anglois, quy pas n’estoient si grant nombre, se défendirent vigoureusement, espérans estre secourus par leurs gens quy à force venoient; mais le pas qu’ils avoient à passer estoit moult difficile, qui le retarda; et ne purent venir à temps; car les Daulphinois sachants leur venue, pour secourir les Anglois, se hastèrent de combattre le duc de Clarence ; et commenca la bataille des deulx parties moult aspre et dure; mais les Daulphinois estoient deux contre ung Anglois; et eurent les Daulphinois la victoire. Et feurent morts sur la place le duc de Clarence, le duc de Kinte, le seigneur de Roos, maréchal d'Angleterre, et généralement la fleur de la chevalerie d'Angleterre, et de deux à trois mille combattants, que morts que prins, et pluiseurs aultres ; et feut nommée icelle bataille de Baugé. Pour la mort et déconfiture desquels Anglois, les aultres Anglois quy estoient en France feurent moult desplaisants, et par espécial de la mort du duc de Clarence ; car moult estoit aimé pour sa prudence et vaillance. Et mesmement, aulcuns Daulphinois, ses ennemis, feurent courroucés de sa mort ; car la bonté et humilité de luy contraignoient ceulx quy l’avoient vu à iccluy aimer. Et, pour parler de ceulx quy suivoient le duc de Clarence à grant force, cuidants venir à temps, dont estoit chef le comte de Sallebry, lequel feit tant par sa vaillance, qu’il demoura le maistre sur la place; et prit le corps du duc de Clarence et de pluiseurs aultres quy là estoient, et aussy rescouit-il pluiseurs prisonniers. Et qu'il soit vrai, l’on disoit que si le duc de Clarence eust attendu ses gens, que il n’avoit garde des Daulphinoïs ; mais désiroit la bataille, pource qu'il n’avoit point esté à celle d’Azincourt, que jamais n’y cuidoit venir à temps. Son corps feut très noblement porté en Angleterre ; et n’est point à croire les regrets que, pour sa mort, le roy d'Angleterre et les

princes du pays feirent pour luy, et aussy le

commun de Londres et aultres quy le connois-

soient. Pour laquelle mort le roy d'Angleterre

hasta son armée pour aller en Franee. En ce

temps feut traictié et parfait le mariage du duc d’Alenchon et de la seule fille de Charles, duc d'Orléans, lors prisonnier en Angleterre; et se feirent les nopces moult grants et solennelles en la ville de Blois; duquel mariage faire et traicter, feurent les principaulx, le daulphin, à quy elle estoit niepce, et le duc de Bretagne, oncle du duc d’Alenchon.