CHAPITRE CXI

Comment le roy d'Angleterre descendit à Calais à grosse armée, eltira vers Chartres, cuidant combattre le dauiphin qui l'avoit asségiée, et de la grant famine quy estoit à Paris, ct entre Scine et Loire, Bric et Champaigne.

Le roy d'Angleterre, qui en ce temps estoit en Angleterre, et quy avoit ouy les nouvelles de la mort de son frère, et de la grande perte que il avoit faicte, feut grandement troublé ; et pourtant que déjà avoit faict ses préparations pour retourner en France, quand son armée feut preste et payée pour huict mois, luy et tous ses gens entrèrent sur mer, et arrivèrent à Calais le jour Sainct-Barnabé. Et tantost après les vaisseaux deschargés feurent envoyés er Angleterre; et comme l’on disoit, estoient descendus trois à quatre mille hommes d'armes, et bien vingt-quatre mille archiers; et lendemain envoya le comte Dorset et le seigneur de Cliffort pour aller à Paris devers son oncle, le duc d’Exestre, quy pour lors estoit moult court tenu de vivres par les Daulphinois quy tenoient garnisons en plusieurs lieux autour de Paris. Les deux seigneurs estoient accompaignés de douze cents combattants, quy grand’ diligence firent de chevaucher jusques à Paris, où ils feurent joyeusement reçus, tant pour leurs vivres que pour la descente du roy d'Angleterre auquel les Parisiens avoient grand’ fiance. Or advint que le roy, après qu’il eut ordonné ses besongnes à Calais, se partit à grand’ diligence, et tira vers la ville de Chartres, laquelle estoit asségiée de Daulphinois, et print son chemin par Monstræul ; et trouva le duc quy estoit allé allencontre de luy: puis partirent ensemble en tirant leur droit chemin à Abbeville, où ils se logèrent. Et lendemain print congé le duc de luy, et retourna en son pays d'Artois; et le roy d'Angleterre tira son chemin à Beauvais, à Gisors; et là luy feut dict que le Daulphin tenoit son siège devant la ville de Chartres, à grand’