CHAPITRE CXII

puissance, et avoit volonté de luy livrer bataille, et que devant la ville de Chartres il l’attendroit. Quand le roy d'Angleterre sceut ces nouvelles, il envoya en très grand’ diligence quérir le duc, afin que il feut à la bataille avecques luy. Leduc, quy moult désiroit à estre à la bataille contre celuy quy avoit faict occire son père, comme l’on disoit, se partit diligemment de la ville d’Arras; et manda gens de toutes parts pour aller après le roy d'Angleterre; mais sans attendre ses gens, continua toujours son chemin envers Gisors. Le roy d'Angleterre estoit passé oultre et estoit logé à Melun, et là attendoit le duc. Or est vray que le roy d'Angleterre et le duc feurent conclus et délibérés d'aller combattre le daulphin, et de aller lever le siége de Chartres ; mais ils ouyrent dire que le daulphin avoit levé son siége, et s’en tiroit vers la cité d'Orléans. Les vraies nouvelles sçues, le duc print congé du roy d'Angleterre et retourna en Picardie, et le roy d'Angleterre passa oultre en tirant après le daulphin. En ce voyage que le roi d’Angleterre feit, il eut, luy et ses gens, sy grand'faute de vivres, que la famine totale se mist en son ost, et avecques cheune grand’ maladie, dont il perdit beaucoup de ses gens. Après que le roy d'Angleterre eut poursuivi le daulphin, il s’en retourna à Paris, où il feut grandement receu; mais à la vérité, la famine estoit si grande ès pays entre Seine et Loire, Champaigne et Brie, et mesmement dedans Paris, qu’il feut trouvé femme morte de faim, son enfant vif, tenant encore la mamelle de sa mère, y cuidant trouver substance, et autres povres sy très oppressés de faim que quand aulcun leur donnoit quelque peu à manger, ils disoient: « Donnez à un “ autre, Car je n’en mangerai jamais. » Et grand’ pitié estoit d’icelle famine.