CHAPITRE CXII
Comment le duc Philippe de Bourgongne combaltit les Daulphinois, et gaigna la bataille qui feut nommé la bataille da Mons en Vimeux,
Or faut parler du duc. Vrai est que, luy estant en la ville de Mantes et Gisors, le seigneur d’Offemont et Poton de Saincte-Traille, assemblèrent de mille à douze cents chevaux; et par le moyen de sire Jacques de Harcourt, capitaine de la ville et chasteau du Crotoy, entrèrent dedans la ville de Sainct-Riquier. Et lors commencèrent courre le payset faire maulx innumé-
rables, et prirent la forteresse de Douvrières, par laquelle ils couroient devant Monstrœul et : rent tous les mieux armés et montés au milieu
par tout le pays. Quand le duc sceut ces nou-
velles, il feut délibéré d'aller mettre le siége devant Sainct-Riquier, laquelle chose il feit. Le :
duc pouvoit avoir en sa compaignie de cinq à six mille combattants, lesquels faisoient maintes belles escarmouches devant la ville. Le seigneur d’Offemont, qui dedans ladite ville estoit assiégé, avoit un frère nommé Loys de Neelle, lequel scachant son frère estre assiégé du duc, feit une grand’ assemblée pour secourir etayder son frère quy asségié estoit. Le duc, scachant que les Daulphinois le venoient combattre, eut conseil de lever son siége et aller au-devant d’culx, et se partit de devant Sainct-Riquier le pénultiesme jour d’aoust, et print son chemin droit à Abbeville; et là burent et mangèrent aulcuns de ses gens tout à cheval, afin d’estre plustost prests, sy aulcunes nouvelles leur ve
noient de ses gens qu’il avoit envoyés chevauchants le pays de Vimeu, en tirant devers Oisemont. Or est vray que entre le point du jour et le soleil levant, virent et aperçcurent les Daulphinois, qui en belle ordonnance s’en alloient moult radement en tirant vers le passage de la Blanche-Tache, où passe la rivière de Somme. Aulcuns de leurs gens feurent prins, par lesquels la vérité de leur intention feut scue et tantost signifiée au duc, quy de nouvel estoit arrivé à Abbeville. Ces nouvelles ouyes, le duc partit en grand’ haste, afin qu’il pust trouver ses ennemis avant qu'ils feussent passés la Blanche- Tache, à la rivière de Somme. Les Daulphinois, quy bien avoient perçu les Bourgongnons quy les poursuivoient, feirentgrand’diligenced’estre devant audit passage dela Blanche-Tache,pourla passer et eulx joindre avecques messire Jacques de Harcourt, quy de l’autre costé de la rivière estoit atout une belle compaignie, tant de ses gens que de ceulx qui dedans Sainct-Riquier estoient, quand avoit esté assiégé. Mais quand les Daulphinois vinrent au passage, la mer venoit et estoit déjà sy haute que ils ne purent passer oultre ladite rivière, excepté le vaillant escuyer Poton de Sainct-Traille, quy depuis feut maréchal de France, quy print l’'adventure de passer ladite rivière de Somme, et se joignit avec la puissance quy du costé de Vimeuestoit. Quand les Daulphinois veirent que impossible estoit de passer la rivière, ils se tindrent arrière
MÉMOIRES DE SAINT-REMY
et sy conclurent de combattre le duc. Leur bataille feut ordonnée par telle facon qu’ils mi-
de la bataille; et se pouvoient trouver de quinze à seize cents lances. Après leurs ordonnances faictes, et qu’ils perchurent le duc et ses enseignes, ils feirent des chevaliers nouveaux. Or faut parler du duc, lequel, quand vit ses ennemis en ordonnance, il ordonna sa bataille ; en laquelle bataille estoit le vaillant chevalier messire Jehan de Luxembourg, les seigneurs d’Anthoing, de Croy, et grand’ noblesse des pays de Flandres, d'Arthois, Picardie et Haynault. Il feit deux ailes de environ six vingt lances, dont de l’une estoit conducteur le seigneur de Saveuse, et de l'autre le bastard de Coussy.
Icelles ordonnances faictes, et véant ses ennemis approchier et prests pour combattre, requist à messire Jehan de Luxembourg ordre de la chevalerie : et après qu’il feut faict chevalier, il en feit plusieurs de sa main. Ne demoura gaires que les Daulphinois et Bourgongnons assemblèrent et abordèrent ensemble. Les Daulphinois, comme dict est, avoient mis les mieux montés et armés au milieu de leur bataille et en poincte. Si se frappèrent en la bataille du duc, et rompirent sa bataille en passant oultre ; mais les deux ailes que gouvernoient les seigneurs de Saveuse et le bastard de Coussy, se rejoingnèrent avec la bataille du duc ; et depuis, la bataille et les ailes se gouvernèrent si sagement et vaillamment, que de tous poincts ils défirent les Daulphinoïis; et promptement que les aulcuns des Daulphinois tomboient à terre, les archiers les tuoient. Lors se prinrent les Daulphinois à fuir, et les Bourgongnons très vaillam-
ment les chassoient et prenoient prisonniers ; et mesmement le duc très chevaleureusement se
gouverna ; et de faict print de sa main deux no-
bles hommes; et messire Jehan de Luxembourg
chassa tant et si longuement ses ennemis, qu’il
feut prins et décruppé de ses ennemis mais
enfin il feut rescous. Que tant dirois-je? La ba-
taille feut bien combattue, mais l’honneur et
victoire en demoura au duc; et là feurent prins
des Daulphinois pluiseurs nobles hommes; as-
‘savoir Loys d'Offemont, le seigneur de Con-
flans, messire Gilles de Gamaches et son frère, Pothon de Sainct-Traille, le marquis de Sève et
son frère, le seigneur de Thiembronne et plui-
seurs autres gentilshommes, jusqu’au nombr
de six vingt. Et si feurent morts sur la place de .
six à sept cents hommes, tant d'un costé que d'autre, dont on disoit que de la partie de Bourgongne n’estoient morts que vingt à trente hommes, entre lesquels estoit le seigneur de la Viefville. Après ces choses achevées par le duc, il s’en ralla au giste à Abbeville, où il feut très honorablement receu, et toute sa compaignie, après qu’il olt séjourné cinq ou six jours à Abbeville. Après icelle bataille, qui feut nommée la bataille de Mons, pour ce que icelle avoit esté faicte assez près d’un village nommé Mons en Vimeu, le duc délivra les deux nobles hommes que il avoit prins de sa main, et leur quitta leur foi, et leur donna chevalet harnas: etavecques che leur donna à chacun cinq cents pièces d’orque à ce temps on nommoit Moutonceaulx {. Et au regard des autres nobles, seigneurs et capitaines daulphinois qui avoient esté prins à ladite bataille, se fist un traictié tel, que moyennant la rendition de la ville de Sainet-Ricquier, quy léallement fut remise en la main du duc, iceulx nobles hommes et capitaines furent tous délivrés sans payer finance. Et en fut ordonné capitaine messire Philippe de Fosseux, dict le Borgne ; et le seigneur d'Offemont s’en alla de ladite ville, luy et tous ses gens, ainsy que ledit traictié le portoit.
