CHAPITRE CXIII

Comment le roy d'Angleterre asségia la ville de Meaux, en Brie; des saillics que les asségiés feirent; de la monnoyc quy feut abbaissée, et les salus forgiés pour 35 sols.

Assez avez 0y comment par cy-devant le roy d'Angleterre et le duc de leur puissance se tindrent vers Chartres, cuidans y trouver le daulphin, et comment le roy d'Angleterre donna congié au duc de retourner en ses pays de Flandres et Picardie , aussi , comment le roy d’Angleterre retourna à Paris, où il trouva le roy et la royne au bois de Vincennes, où il fust d’eulx receu à grand’ joie. Et là, avant qu’il partist de Paris, fist pluiseurs ordonnances, tant sur les monnoyes comme autrement. Et qu’il soit vrai, couroit une monnoye, nommée flourettes, qui se allouoit pour seize deniers, que le roy d'Angleterre fist mettre à quatre deniers, pource qu’ils estoient de mauvais alloy.

(4) A cause de l'effigie d'un mouton.