CHAPITRE CXVY
De l'emprinse du seigneur d'Offemont pour entrer en la ville de Meaux, en laquelle feut prins; et comment ceulx de la ville se retirérent au marché, en abandonnant la ville qui des Anglois feut prinse.
Devant iceluy siége, le seigneur d'Offemont assembla environ quarante combattants des plus renommés et experts en faict de guerre que il pust finer, et les mena devers Meaux, sur intention de les mener audict Meaux, et d’entrer secrettement dedans icelle ville, pour aider et conforter les assiégés, qui pluiseurs fois l'avoient mandé pour estre capitaine de la ville. Lesquels, scachants sa venue , estoient prépa-
11} Suite.
rés à le recevoir; et avoient sur un soir mis une eschelle sur leurs murs, par dehors, par où il devoit monter : et lors, au jour assigné, vinst ledict seigneur d’Offemont pour accomplir son entreprinse; et, de faict, vinst jusques aulx fossés de ladicte ville; et commencèrent ses gens à monter à mont dedans la ville, par l'eschelle dessusdicte. Mais lui alloit tout derrière pour les boutter avant; et en passant sur une vieille planche, cheyt, armé de plein harnas, ès fossés, et ne pust de là estre tiré de ses gens, nonobstant que ils lui baillèrent deux lances, lesquelles lui demourèrent ès mains. Et, entre temps, ceulx de l’ost qui ouyrent murmures, vindrent sur eulx à grant puissance, et le prindrent. Si fust ledict seigneur d’Offemont mené devers le roy d'Angleterre; et l’examina sur pluiseurs propos, et le fist mettre en bonne garde. De ceste adventure furent ceulx de la ville moult troublés; et douhtants que au loin aller ne peussent garder la ville et le marché, firent retraire aulcuns des biens de ladicte ville au marché. Laquelle chose apperçue par ceulx de siége, se esmurent soudainement, et allèrent assaillir ladicte ville; et, de tous costés, commença l'assaut si dur et si estoré ! que, en brief, fust la ville gaignée, sans ce que lesdicts assaillants y fissent grant perte. Et se retrairent les assiégés atout partie de leurs biens dedans le marché. Dedans la ville se logea le roy d'Angleterre ; et, brief ensuivant, gaigna une petite isle d’emprès le marché, en laquelle il fist asseoir pluiseurs gros engins, qui moult terriblement battoient les maisons et murs du marché. Et, par ces moyens, furent les asségiés contraints et mis en fuite ; et si n'avoient nulles espérances d’estre secourus du daulphin leur seigneur, à cause que les jours estoient passés que ils devoient avoir secours. Et, derechief, en continuant de mal en pis, furent prins par les Anglois les moulins dudit marché ; pourquoy ils feurent en grant nécessité de avoir leurs blés moulus.
