CHAPITRE CXVI
royaulme de France, tant de la partie des Daulphinois comme des Anglois, qui ne cessoient de prendre villes et forteresses, et icelles démollir et abattre. Que vous dirois-je? Pluiseurs villes et forteresses, durant le siége de Meaux, en brief furent prinses et abattues d’un costé ct d'autre au royaulme de France. Et qui tout voudroit et sauroit bien mettre au long par écrit, il auroit trop à faire; et pourtant je me passe, et retournerai à parler dusiége de Meaux. Vous avez ouy comment le roy d'Angleterre avoit mis son siége devant le marché de Meaux, et les constraint par telle manière, que grand’ partie de leurs murs estoient abattus et desrompus en divers lieux. Si les fit un jour sommer que ils se rendissent, à quoi ils ne voulurent obéir; et dirent qu'il n’estoit pas encore heure de eux rendre. Et quand le roy d’Angleterre eut ouy leur response, sans à eux plus parler, fit commencer l'assaut très puissamment, lequel dura de sept à huit heures; et se deffendirent les asségiés moult vaillamment , et combattirent tant qu’ils n’avoient plus nulles lances, qui toutes ne fussent rompues à eux
‘deffendre ; mais au lieu de lances, combattirent
longue espace de hastiers{ de fer ; et tant continuèrent que pour ceste fois ils rebouttèrent les Anglois hors de leurs fossés. Pluiseurs injures , tant de nuict comme de jour, durant ledit siége, dirent ceulx de dedans, et paroles vilaines aux Anglois. Entre aultres choses, mirent sur les murs un asne, lequel ils couronnèrent, en eux moquants des Anglois, en disant que c'estoit le roi, et que ils le allassent rescourre ; pourquoi le roy d'Angleterre, et de pluiseurs aultres choses, fut moult indigné sur eulx. Et aussi devant icelle ville fut tué d’un canon ung josne chevalier, fils du scigneur de Cornouaille, qui estoit cousin prochain du roy d'Angleterre ; laquelle mort lui vint à grand desplaisir.
En la fin d'avril, ceulx de Meaux commencèrent à parlementer, pour avoir traictié ; et furent, de par le roy d'Angleterre, commis son oncle le duc d’Exestre, les comtes de Warwick et de Conversan, et messire Gauthier de Hongreffault ; et de par les asségiés, messire Philippe Mallet, Pierron de Luppes, Jehan d’Aunay, Sinador de Jerames, le Borgne de Coussy et pluiseurs aultres ; lesquelles parties convinrent ensemble, par pluiseurs fois; et enfin vin-
{4} Manches,
rent en conclusion en la manière cy-après déclarée.
« Premièrement, fut ordonné que le marché de Meaux seroit, le dixiesme jour de may, rendu et délivré ès mains des rois de France et d’Angleterre.
« Jtem, scroient rendus en leurs voulontés messire Loys Gast, le bastard de Vaurus, Denys de Vaurus, Jehan de Rambères, Tromagon, Bernard de Meureville, et un qui avoit bucciné d’un cornet durant le siége, nommé Orasses ; et seroient mis en justice, laquelle leur seroit faicte et administrée.
« Jiem, Guérard de Cissé, Pierron de Luppes, Philippes de Gamaches, Jehan d’Aunoy, demoureront en la voulonté des deux rois, jusques à tant qu'ils auront rendu ou faict rendre touttes les forteresses que eux et leurs commis tenoient au royaulme ; et après ce que ils les averont rendues, ils auront les vies sauves.
« Jtem, tous les aultres, tant gens d'armes comme habitants et bourgeois, demoureront en la voulonte des deux rois, sauve leur vie.
« tem, que le comte de Conversan demourera quitte envers Pierron de Luppes, ou autre, à qui il peut toucher, de sa finance; et Jui promettront de l’en tenir quitte atoujours,sans fraude ni malengin.
« Item, en dedans les huit jours que la rendition se doit faire, ceulx de dedans Îla ville mettront tous leurs biens généralement en certain lieu où ils puissent venir à plein à la connoissance des commis des dessusdits rois.
« Jtem, rendront quittes tous les prisonniers qu’ils tiennent, tant audit marché comme ès forteresses et lieux à eulx obcissants, et les quitteront de leur foy.
« Item, après tous les articles dessusdits accordés et accomplis, et pluiseurs aultres, par les deux parties, demoureront en estat jusqu’au dixiesme de may, que les Daulphinois feront ouverture aux commis des rois de France et d’Angleterre, et leur délivreront, par la manière qui a esté traictié. »
Lesquels commis envoyèrent tantost tous les prisonniers sous bonne garde où ordonné leur estoit:; dont les plus principaux furent menés par eau à Rouen et de là en Angleterre. Et si en y eut une partie menée à Paris, emprisonnés en pluiseurs lieux; et pouvoient les gens de guerre estre de sept à huit cents. Le bastard de
Vaurus, leur capitaine-général, fut descollé par le commandement du roy d'Angleterre, et son corps pendu à un arbre, au dehors, que on nommoit l'Orme Vaurus, pource que le bastard y avoit en son temps fait pendre pluiseurs Anglois et Bourguignons, quand il les pouvoit tenir, en disant : « Menez-les à mon arbre. » Et pour ce estoit ledict arbre ainsi nommé. Et avec ce, fut sa teste mise sur le bout de son estendard, et attachée à l’arbre dessusdit. Messire Loys Gast, Denys de Vaurus, maistre Jean de Rambères, et celui qui avoit sonné le cornet en soi truffant des Anglois, furent décapittés à Paris , leurs testes mises sur lances, et leurs corps pendus au gibet. Et tous les biens qui estoient audit marché de Meaux furent distribués du tout au plaisir du roy d'Angleterre ; puis en noble arroy entra audit marché, et y séjourna auleuns jours ; et là ordonna de réédifier les portes, tours et murailles de ladite ville de Meaux. Après la rendition de Meaux, furent mises en l’obeissance du roy d'Angleterre pluiseurs villes et forteresses, tant en la comté de Valois comme ès pays à l’environ, par le moyen du seigneur d'Offemont, dessous lequel elles estoient obéissants ; et avec ce fut son corps mis à délivrance, par condition qu'il jureroit la paix finale dernièrement faicte à Troyes entre les deux rois. Et pour ce entretenir bailla pleiges suffisants, c’est assavoir l’évesque de Noyon et le seigneur de Chauny, lesquels, pour seureté, obligèrent corps et biens. Quand les capitaines tenants le parti du daulphin ès marches de Beauvoisis virent et oyrent comment le roy d'Angleterre prenoit et gagnoit villes et forteresses imprenables, eurent si grand doubte que brief ensuivant envoyèrent devant le roy d’Angleterre leurs ambassades, pour traictier avec lui en dedans certain temps et jour, au cas que le daulphin ne les secourroit au jour que dit seroit. Entre lesquels traicta le seigneur de Gamaches pour la ville de Compiengne dont ilestoit capitaine, et bailla ostages à le rendre, le dix-huitiesme jour de juin,en la main du roy. Et en ce cas pareil traictèrent messire Loys de Thienbronne, pour la ville de Gamaches et pluiseurs aultres villes et forteresses. Avec ce, par le pourchas de Pierron de Luppes, fut rendue la forteresse de Montagu, laquelle tenoit grant pays en subjection par sa force, et avoit fait grans maux et dommages aux villes de Reims
et Laon, et ès pays environ. D'autre part, ceulx qui tenoient le chastel de Moy, en Laonois, doutant que Messire Jehan de Luxembourg et les Anglois ne les allassent assiéger soudainement, bouttèrent le feu dedans le chastel, et s’en allèrent à Guise; et pareillement ardirent, et brulèrent et détruisirent les chasteaux de Montescourt et de Brassy.
