CHAPITRE CXVIL
le rendre en la main du duc de Bethfort ; et se départirent environ douze chevaulx, eulx ayant bons saufs-conduits du roy d'Angleterre, et feurent menés et convoyés jusqu'à ce qu'ils feussent passés outre la rivière de Seine, et de là s’en allèrent devers le daulphin. Et en pareil cas, rendit le seigneur de Gamaches les forteresses que ses gens tenoient, comine dessus est faite mention, et par ainsy toutes Îles places que les Daulphinois tenoient, de Paris jusques à Boulogne sur la mer, feurent mises en l’obéissance des deux roys de France et d'Angleterre, excepté le Crotoy. En ce mesme temps, feurent envoyés de par les deux roys ambassades au Crotoy, devers messire Jacques de Harcourt ; mais finablement, pour diligence qu'ils scussent faire, ne purent venir à quelque traictié ; et pour ce, s’en retournèrent arrière.
En ce mesme temps, alla le roy d'Angleterre à Compiengne pour voir la ville. Auquel lieu lui feurent rapportées nouvelles que on avoit voulu prendre la ville de Paris par aulcuns moyens de lettres apportées dans ladicte ville par la femme de l’armoyeur du roy; laquelle, par un certain jour bien matin, fut apperçue d’un prestre qui estoit allé en un sien jardin; et sur ce tout effrayé, retourna dedans la ville, et dit aux gardes qu'ils advisassent ce qu'ils avoient à faire, et qu'il avoit vu gens armés, et une femme parler à eulx. Et adonc les gardes de ce advertis prinrent la femme et la menèrent en prison, laquelle tantôst après congnut son fait. Pour lesquelles nouvelles le roy d’Angleterreretournaavecquestous ses gens à Paris, et fit noyer la femme pour ses demérites, et avecques ce aulcuns de ses complices, et puis retourna à Senlis devers le roy. Auquel temps messire Jehan de Vergy prit la ville de Sainct- Dizier; mais les Daulphinois qui estoient dedans se retrayrent au chastel, auquel ils feurent bientost asségiés, et entretemps La Hire et aulcuns capitaines s’assemblèrent pour aller secourir ceux dudict chastel. De laquelle assemblée feurent advertis les deux seigneurs dessusdicts. Et, pour y résister, se mirent ensemble le plus grant nombre que ils purent, et allèrent au-devant de leurs adversaires, lesquels ils assaillirent vigoureusement, et enfin les déconfirent. Si en y eut de morts environ quarante, et les aultres se sauvèrent par fuite,
Après laquelle besogne, retournèrent audict lieu de Sainct-Dizier, et brief ensuivant, se rendit à eulx le chastel, lequel ils garnirent de leurs gens. Je lairrai à parler des Anglois et des Bourguignons, et vous parlerai du daulphin.
