CHAPITRE CXVIITI
De la puissance que le duc de Bourgongne mena devant la ville de Cosne-sur-Loire, pour combattre le {daulphin qui l'avoit faict asségier, lequel n'y comparut pas; du trespas du roy Henry d'Angleterre, et des remontrances qu'il feit aux princes d'Angleterre.
En ce temps, le daulphin assembla environ vingt mille combattants, et se tira atout iceulx vers Auxerre ; et là se tint assez longue espace, durant lequel temps fist assiéger la ville de Cosne-sur-Loire, qui enfin feut contrainte de traictier, par condition qu'ils lui rendroient, au cas que le duc ne les secourust en dans le quinziesme d’aoust ensuivant ; et, pour ce entretenir, baillèrent hostagiers. Et disoient les aulcuns que audict jour que la ville se debvoit rendre ou combattre, le daulphin y seroit en personne. Pour laquelle cause le duc fit ung très grant mandement par tous ses pays de Dourgongne, de Picardie, de Flandres et d’Arthois ; et sy envoya devers le roy d'Angleterre, Juy requérant qu'il luy envoyast certain nombre de ses gens. Le roy d’Angleterre, moult désirant de complaire au due, respondit que ce ne feroit-il pas, mais qu’il iroit en propre personne, avecques toute sa puissance. Le roy d'Angleterre, quy estoit en la cité de Senlis, non pas bien disposé de sa personne, fist partir son ost sous la conduite du duc de Bethfort pour estre en la compaignie du duc en ceste journée; et lui-mesme, assez aggrévé de ma-
ladie, partit de Senlis, après ce que il eust pris
congé au roy, à la royne, et aussy à la royne sa femme, qui oncques puis ne le vit; et alla À Melun, où il se fit mettre en une litière, en intention de aller à la journée dont dessus est faict mention. Mais pourtant que il se sentit trop affoibli, et que il empiroit de jour en jour, retourna et se fit amener au bois de Vincennes, où il finit sa vie, comme cy-après sera dict. Et le duc de Bethfort, atout { son ost, se tirèrent par pluiseurs journées au pays de
(1) Avec.
MÉMOIRES DE SAINT-REMY
Bourgongne ; et aussy firent tous les seigneurs de Picardie, lesquels le duc avoit mandés. Et tant cheminèrent qu’ils se trouvèrent en la ville de Vezelay, où ils trouvèrent le duc quy les attendoit atout grant puissance de gens d’armes. En après, tous les princes et capitaines joints ensemble chevauchèrent tant qu'ils se trouvèrent devant la ville de Cosne, devant laquelleils se logèrent la nuict, dont le lendemain ils devoient estre combattus, comme l’on disoit. Mais le daulphin sachant la puissance des princes dessus nommés, se retrayt devers Bourges en Berry, atout son armée, et de par luy ne comparut homme à ladicte journée ; et ainsy demoura à la ville de Cosne en l’obéissance du duc. Et après ceste journée passée, le duc remercia les princes et aultres quy ainsy l’avoient accompagné; et bien y estoit tenu; car, de mémoire d'homme, ne feut vu une telle puissance, ni plus à redouter, pour combattre à pied, que estoit celle-là. Le duc fit de grants dons, puis se retira en Bourgongne, les Anglois en France, et les Picards en Picardie. Auquel retour, vinrent certaines nouvelles au duc de Bethfort, sur le chemin, que leroy d'Angleterre estoit moult oppressé de maladie, et en grant péril de sa vie. Et pour ce incontinent, avecques lui aulcuns de ses plus féables et privés, à privée maisgnie{, chevaucha en haste jusques au bois de Vincennes, où ils trouvèrent le roy d'Angleterre moult grief de sa personne. Et vint aussy à la connoissance du duc ; pourquoy il envoya messire Hue de Lannoy pour le visiter et pour scavoir en quel point il estoit. Aucuns disoient que le roy d'Angleterre, sentant soy estre moult oppressé de maladie, fist venir devant luy son frère le duc de Bethfort, son oncle le duc d’Exestre, le comte de Warvick, messire Loys de Robersart, et aulcuns aultres, jusques au nombre de sept ou huit, où il avoit la plus grant fiance. Si leur remontra et leur dit assez pitcusement les paroles cy - dessous escrittes, disant comment il voyoit bien que c’estoit le plaisir de son Créateur qu'il finast sa vie, et qu’il délaissast le monde. Et après dit au duc de Bethford : « Beau frère, je vous prie 4“ que, sur toute la loyauté et amour que vous “ avez eus à moi, que soyez tousjours bon et « léal à mon fils vosire nepveu; et au cas que
(1) Suite.
«“ beau-frère de Bourgongne voudroit empren- « dre le régime du royaulme de France, je vous « conseille que luy bailliez ; mais sy il le re- « fuse, vous le prenderez. Et à vous beaux- « oncle d'Exestre, je vous laisse seul et pour le « tout le régime d'Angleterre ; car je sçais bien « que moult bien le scaurez gouverner. Et vous « prie que pour quelque affaire que vous ayiez, « ne retournez plus en France. Et avec ce, vous « ordonne à estre du tout gouverneur de beau- « fils vosire nepveu, et vous requicrs que, sur « tant que vous me aimez, que le véez et visi- «“ Lez très souvent en vostre personne. Et vous, « beau cousin de Warvick, je veux que soyez “son maistre, et que demourez du tout avec- “ ques luy pour le conduire et apprendre se- « Jon l’estat que il appartient ; car je n'y scau- « rois mieux parvenir. Et derechief vous prie « à tous que gardez, sur tant que pouvez mes- «“ prendre, que n’ayez auleune dissension avec “ beau-frère de Bourgongne ; car si il adve- « noit, que Dieu ne veuille ! que il y euist en- «tre luy et vous auleune malivolence, les be- « songnes de ce royaulme, quy sont moult avan- « cées pour nostre party, en pourroient grande- «“ ment empirer. Si ne délivrez pas de prison “ beau - cousin d'Orléans, les comtes d’Eu et «“ d’Angoulesme, jusques à tant que beau-fils “ Henry aura son age compétent; et des aul- “tres, faites comme bon vous semblera. »
Après lesquelles paroles ou semblables, les seigneurs là estants lui respondirent moult humblement, chacun en droit soi, ayant au cœur grant tristesse : que tout ce qu'il leur ordonneroit et scauroient son plaisir estre faict, ils le accompliroient à leur pouvoir, sans en rien aller au contraire. Après ces choses, se partirent de la chambre aucuns d’eulx. Messire Hue de Lannoy, qui avoit esté envoyé devers Iuy de par le duc, après qu'il eust allégué et accompli sa légation, et eu aucunes paroles avec le roy d'Angleterre, s’en retourna en Bourgongne, devers le duc son maistre. Le roy d'Angleterre, tant oppressé de maladie que plus ne pouvoit, feit venir devant luy ses médecins, et leur requit bien instamment qu’ils voulsissent dire, selon ce qu’ils pouvoient voir de luy, quel terme de vie il pourroit encore bien avoir. A laquelle chose feurent grant espace sans luy faire response, sinon de luy bailler espérance, en disant que il estoit bien en Dieu de le faire
