CHAPITRE CXVIIT

retourner en santé. Si ne fust pas de ce content, et les requist, comme dessus, qu’ils luv dissent La vérité. Et adonc parlèrent ensemble, et par la bouche de l’un d’icculx, qui se mit à genoux devant luy, luy feut dit : « Sire, pensez « à vostire faict, car il nous semble, si n’est la « grace de Dieu, que il est impossible que vi- «“ viez plus de quatre heures. » Et lors manda son confesseur, el aucuns gens d'église de sa famille, et ordonna à dire les sept psalmes ; et quand ce vint à benigne fac Domine, où il y a en iceluy vers : muri Jerusalem, il les feit arrester et dict tout hault que, sur la mort qu'il attendoit, il avoit intention, après ce que il auroit mis le royaulme de France en paix, de aller conquerre Jérusalem, si ce eust esté le plaisir de Dieu, son Créateur, de le laiser vivre son age ; et après qu’il eust ce dict, il les feit parfaire; et assez brief ensuivant, selon le terme que avoient dict iceulx médecins, alla de vie à trespas le derrain jour d’aoust. Pour la mort duquel son frère, le duc de Bethfort, et tous les aultres princes, et généralement ceulx de son royaulme d'Angleterre firent grants lamentations, et demeurèrent en grant tristesse ; et tantost après feurent enterrées ses entrailles en l'église et monastère de Sainct-Maur-des-Fossés, et son Corps mirent en un cercueil de plomb. Le duc de Bourgongne se partit de son pays de Bourgongne, et exploita tant que il se trouva au bois de Vincennes, et alla voir et visiter le duc de Bethfort et les aultres princes là estans, puis se partit de là et alla à Paris. Le corps du roy d'Angleterre fut mené en grant triomphe de gens à Paris, et mis dedans l'église Nostre-Dame; et luy fut faict service solennel; et de là fut mené en la cité de Rouen ; et La demeura assez longue espace de temps.

Pour la mort du roy d’Angleterre, et pour avoir advis au gouvernement du royaulme, s'assemblèrent pluiseurs princes en conseil, en la ville de Paris; et là fut conclu et promis par eulx de rechief, en la forme et manière qu'il avoit este traicté autrefois, entre les deux roys, à Troyes, que ils entretiendroient la paix finable que promise et jurée avoient. Après que les princes, assavoir les ducs de Bethfort, de Bourgongne et d'Exestre, avecques pluiseurs grants seigneurs, eurent prins leurs conclusions sur le régime du royaulme, se partit de Paris brief ensuivant le duc, et retourna en Arthois et en

Flandres; et le duc de Bethfort, avec les princes anglois, s’en alla à Rouen pour gouverner, appointer et ordonrer des affaires de la duché de Normandie. Et là feut mené, en noble appare:l. la reine d'Angleterre, qui de la mort de son jeu mari rien ne scavoit.