CHAPITRE CXIX
Comment le corps du roy Henry d'Angleterre, dict le conquéraut, fut porté en Angleterre et enterré à Westmousticr, auprèside ses prédecesseurs; de la pompe funèbre quy fut
” faicte, tant en chemin qu'en Augleterre.
En la ville de Rouen fut ordonné comment on mèneroit le corps du roy d’Angleterre-en son pays. Si ordonnèrent un charriot que menoient quatre grands chevaulx ; et avoient sa semblance en présentation , et en le représentant de cuir bouilli, peint moult richement, portant en son chef couronne d'or moult précieuse ; et tenoit en sa main dextre le sceptre royal, et en sa senestre avoit une pomme d’or, comme l’empereur ; et gisoit en un lit dedans le charriot, le visage vers le ciel. Duquel lit la couverture estoit de drap d’or de cramoisi ; et avec ce on portoit, à passer parmi les bonnes villes, par-dessus le charriot, un moult riche drap de soie à quatre bastons, en la manière que on l’a accoutumé à porter sur le corps de Jésus-Christ, au jour du Sainct-Sacrement. Et ainsi allant, accompaigné de ses princes et de la chevalerie de son hostel, fut mené le droit chemin de Rouen à Abbeville, et mis en l’église Sainct-Wulfran ; et si avoit moult de gens d'église à la dextre et sénestre partie du trespassé, qui nuict et jour, les uns à picd, les aultres chevauchants, cheminants ou estants, chantoicnt sans cesse l'office des morts, et célébroient tous les jours messes pour luy, depuis le poincet du jour, ès églises où ils se logeoient, jusques à tant que il estoit l’heure de partir. Et d’Abbeville s’en alla à Hesdin, à Monstroeul, à Boulogne, à Calais. Et toujours sur le chemin y avoit autour du charriot pluiseurs hommes vestus de blanc, qui portoient en leurs mains torches allumées ; et derrière, estoient vestus de noir ceulx de la famille du roy d'Angleterre ; et après suivoicnt ceulx de la lignée, vestus de vestements de pleurs et de deuil; et en ensuivant tout, alloit la royne en grant compaignie, environ de une lieue loin.
MÉMOIRES DE SAINT-REMY
De Calais passèrent par mer à Douvres en Angleterre, et puis par Cantorbie à Rocestre et à Londres, où ils arrivérent la nuïct Sainct-Martin d'hiver. Allencontre duquel issirent de Londres quinze évesques, vestus de chasubles pontificaulx , et pluiseurs abbés mitrés, et les aultres hommes d'église, et grant multitude de bourgeois et aultres du commun, les gens d’eglise, tous ensemble chantants l'office des morts; et le menèrent par le pont de Londres
et par la rue des Lombards, jusques à l’église
Sainct-Pol; et au plus près du charriot estoient pleurantsles princes deson sang; etavecques ce, le premier cheval des quatre qui menoit ledict charriot, avoit un collier qui estoit peint des anciennes armes d'Angleterre. Au collier du second cheval estoient peintes les armes de France et d'Angleterre escartelées, lesquelles luy-mesme porioit en son vivant. Au collier du tiers cheval estoit peint pleinement sans différence, les armes de France ; et au collier du quart estoient peintes les armes que portoit, quand il vivoit, le roy Arthus. Et après que le service du roy eust csté faict royalement, ils le portèrent en terre, en l’église de Westmoustier, auprès de ses prédécesseurs roys d’Angleterre. Auquel enterrement fut faict en toutes choses généralement, plus grant estat et bobant que depuis deux cents ans par avant n'avoit esté faict de nuls roys d'Angleterre. Aïnsi et par ceste manière fina le roy Henry, en la fleur d'age, car quand il alla de vie à trespas, il ne pouvoit avoir que environ de quarante ans. Il estoit moult sage et expert en toute besogne dont il se vouloit entremettre, et de très hault vouloir ; et avoit, en sept ou huict ans que son règne dura au royaulme de France, faict en iceluy de très grands conquests, plus que nuls de ses prédécesseurs roys d'Angleterre ne avoient faict long-temps par avant. Et pour vrai, il estoit si cremu et douté de ses princes et capitaines, qu’il n’y en avoit nul, tant luy fust prochain, qui osast trangresser ses ordonnances, par espécial ceulx d'Angleterre. Et pareillement estoient à ce réduits tous ceulx du royaulme de France, de quelque estat qu'ils fussent, estants en son obéissance et domination; et la cause principale si estoit, pource que ceulx qui faisoient le contraire en enfreignant ses commandements et ordonnances, faisoit punir très cruellement, sans en avoir
miséricorde ; et bien entretenoit la discipline de chevalerie, comme jadis faisoient les Romains. Et après toutes besognes accomplies, s’assemblèrent les trois estats d'Angleterre pour avoir advis sur le régime d’Angleterre, et pour bailler gouverneur à leur petit roy Henry, qui pour lors n’avoit que dix-huit mois d’age ou environ. Les trois estats d'Angleterre ordonnèrent premièrement au gouvernement de la personne de leur roy un sage et vaillant comte, nommé Richart de Beaucamp, comte de Warwick, dont devant est pluiseurs fois parlé; püis luy baillèrent estat bel et suffisant, et après aux affaires du royaulme eurent advis, selon leur sage et pourveue discrétion. Cy laisse à parler de la mort du roy d'Angleterre, et parlerai de la mort de la duchesse de Bourgongne, et de celle du roy son père.
