CHAPITRE CXXIIL

le tout, demoura régent et gouverneur du royaulme de France, et au nom de son nepveu le roy Henry le Josne, quant à ce qui estoit en son obéissance. Ainsi comme vous avez ouy, fina ses jours le très noble roy Charles, le quarante-deuxiesme an de son règne; lequel la plus grant partie de son temps eut de moult grandes tribulations à cause des tribulations et divisions qui lors estoient et avoient esté en son royaulme, par les prochains de son sang, etfpar. espécial par une maladie que on dit qu’il print en la ville du Mans, laquelle Jui dura la plus part de son vivant ; dont ce fut dommage , Car il estoit si bon prince que à toujours sera nommé Charles-le-Bien-Aimé ; et plus de lui en ce livre ne sera parlé : Dieu en ait l’ame, amen. Et pareillement, en cestuy livre, finent les grands faits et conquestes-que fist en son temps le roy Henry d’Angleterre, cinquiesme de ce nom, depuis le trespas du roy Henry son père, qui piteusement fist mourir le roy Richard son Cousin; et prist et usurpa son royaulme d'Angleterre, et se fist couronner roy avant la mort d’iceluy roy Richard , nonobstant qu’il eust esté roy vingt-deux ans.

Le jour de Sainct-Martin d'hiver, l’an dessusdict, iceulx de la ville et chastel de Rue se rendirent à messire Jacques de Harcourt, lequel y fit venir un nombre de gens d’armes de la garnison de Guise; et se continrent illec sans piller ni rober, à cause des trefves qui estoient lors entre les deux parties, jusques à lendemain de la feste Sainct-Andrieu. Lesquelles trefves passées, Ja guerre se renouvella si cruelle et si terrible, que nul ne sçauroit dire les maux et dommages qui en advinrent par tout le pays. Pourquoi ceux du grand conseil de France et ceux de Paris envoyèrent ambassades notables devers la royne d'Angleterre, pour avoir ayde et secours pour résister aux entreprises des Daulphinois ; et lors leur fut promy d’envoyer secours d'Angleterre.