CHAPITRE CXXII

Comment ceulx de Meullent se rendirent ‘aux Daulphinois, mais inconlinent furent constraints de eulx rendre au duc

* de Bethfort, régent de France, à leurs grans perte et ; dhommaige.

; Le quatorziesme jour de février, audit an,

ceux de Meullent, désirants estre Daulphinois,

se rendirent au seigneur de Granville, lequel (

mena hastivement cinq cents combattants pour y tenir la place pour le daulphin ; mais si Lost que le régent en fut adverty, il y alla hastivement, atout grant-planté! d’Anglois et des communes de Paris, et les asségia. Lesquels, non garnis de vivres ni de artillerie pour tenir la place contre les Anglois, se mirent en COmposition; c’est assavoir : qu'ils rendroient ledit pont et chastel, ainsi garni comme il estoit, sans y riens démolir.

Item, que tous ceulx de là dedans se rendroient de la pure voulonté du régent, sauf leur vie seulement, excepté ceulx, si aulcuns y avoit, qui aultrefois eussent faict serment au roy d'Angleterre, ou qui eussent esté consentants de la mort de feu le duc Jehan de Bourgongne, excepté aussi ceulx d'Irlande, de Galles ou d’Escosse, si aulcuns en y avoit, et ceulx aussi qui furent à la première embusche pour prendre le pont et la forteresse, et les canons de layens.

Item, tous les biens de layens layront à la volonté et connoissance du régent.

Et se fist la reddition de ladite place le samedy premier jour de mars, an dessusdit.