CHAPITRE CXXIIT

Comment les Daulphinois prinrent le chasteau de Dommart.

Le dimanche vingtiesme jour de mars ensuivant, prinrent d’eschelle et de nuict les Daulphinois de Rue le chastel de Dommart en Ponthieu, et prinrent layens messire Simon de Boullenvillier, le chevallier Jehan de Doncquerre, et pluiseurs aultres gentilshommes estants layens. Le Borgne de Fosseux , seigneur dudit lieu de par sa femme, se eschappa, et Jacques de Craon, son beau-fils, avecques lui, et pluiseurs aultres hommes et femmes estants tant audit chastel comme en la ville. Et là trouvèrent tant de biens les Daulphinois, assavoir d’or et d'argent, de vaisselle et d'aultres biens, que eux-mesmes en eurent granf merveille. Sy que, depuis lors jusques à ce qu’ils abandonnèrent ladite place, ils ne cessèrent de mener et transporter à Rue tant de biens que sans nombre : et si en laissèrent assez des memdres biens ; puis abandonnèrent ladicte place, dou-

(1) Quaatité.

MÉMOIRES DE SAINT-REMY

tants que là ne feussent asségiés ; et s’en retournèrent à Rue. Et lers, incontinent que ils feurent issus, le scigneur de Croy s’en alla bouter dedans; et si ramena lesdits de Fosseux et de Craon; mais ne la trouva point si bien garnie comme estoit devant ladicte prise.