CHAPITRE CXXIV

Des alliances que le régent de France, les ducs de Bourgongne et de Bretaisne feirent ensemble; et des mariages de deux sœurs du duc de Bourgongne, Anne et Marguerille, qui feurent traictiés avecques le régent et duc de Bretaigne ; et de pluiseurs places prinses par ledit régent.

Environ Quasimodo, l’an 1423, s’assemblèrent, en la ville d'Amiens, le régent de France, les ducs de Bourgongne et de Bretaigne, et feirent alliances ensemble, dont lettres feurent faictes et scellées de leurs sceaulx et signées de leurs mains. En outre, furent traictiés les mariages d’icelluy régent et de madame Anne de Bourgongne, sœur du duc, et de Artus de Bretaigne et de madame Marguerite de Bourgongne, sœur du duc. Lesdites lettres contenoient : que, pour le bien du royaulme de France et d'Angleterre, de leurs pays et subjects, ils ont promis et juré lung à l’aultre de vivre en bonne amour , comme frères , parents et bons amis, et de garder et défendre l'honneur d'eulx deux, chacun lung pour Paultre, sans fiction ne couverture, et de advertir lung l’aultre de che quy viendra à leur congnoissance contre l'honneur ou le dhommaige l'ung de l’aultre; et contre ceulx quy vouldroient l’ung d’eulx nuyre ou gréver, faire ayde hommes d'armes de chascun d’eulx, ou de gens de traict à l’advenant, et par telle manière que celuy qui fera ladicte ayde de gens d'armes sera tenu de payer ses gens pour le premier mois et non plus.

Puis promirent tous ensamble d’eulx employer au reliefyement du povre peuple par toutes les meilleures voyes que on polra regarder, et de boutter la guerre hors du royaulme, et le mettre en bonne paix. Ces choses furent promises et jurées par eulx à tenir et maintenir sans en-

-fraindre tout le cours de leurs vies et de chas-

un d’eulx ; et lesdites lettres'sur che faictes le dix-septiesme jour d’apvril, lan 1423, scellces et signées dudict régent, dues de Bourgongnt etde Bretaigne. Ledict duc de Bretaigne receut à Amiens ce que le régent luy fist délivrer

pour ses dépens, six mille écus pour s’en retourner en son pays de Bretaigne, et le ducavecques luy. Artus, comte de Richemont, s’en alla en son pays, et le régent s’en alla à Troyes, où Juy feut amenée Anne de Bourgogne ; et là luy amena la duchesse sa mère et le seigneur de Sainct-Georges, et aultres pluiseurs grants sei-

gneurs de Bourgogne; et y feurent faictes moult :

solempnelles nopces et moult riches et plantureuses. Quand le régent olt achevé sa solempnité de ses nopces, et qu’il feut retourné à Paris, il assembla ses gens d'armes hastivement, et s’en alla asségier la ville de Pont-sur-Scine, et la print d’assault, et aultres trois ou quatre forteresses d’illec entour; et puis s’en alla à Coursy, et la print aussy d’assault; et là feit mener à Paris quelques hommes d’armes, en leurs pourpoints, testes nues, dont les aulcuns avoient cordes noées autour leurs cols, traisnantes jusques en terre, et des cordes noées entour leurs corps. Aultres tenoient espées nues

par le milicu, les pointes contre leurs ventres,

et chevauchoient ainsy parmy Paris jusques à l’hostel de Tournelles. En ce point furent présentés au régent quy estoit léans avec sa femme ; laquelle, ayant pitié des malheureux, fist tant devers son mary que ils eurent rémission; Car aultrement ils euissent esté tous morts. Entre ces choses, une compaignie d’Anglois, yssant de Normandie, prinrent le chastel de Noielle sur la mer. Adonc manda messire Jacques de Harcourtceulx quy tenoient le chastel de Rue pour aydier à deffendre le Crotoy, lesquels habandonnèrent Rue. Et les Anglois tantost après entrérent dedans, dont furent ceulx du Crotoy fierment travailliés des Anglois quy se tenoient à Sainct-Vallery, à Noielle et à Rue. Et oultre plus les Anglois, en grant puissance, vindrent par mer, la veille Sainct-Jean- Baptiste, et par terre; et puis asségièrent le chastel du Crotoy, où estoient messire Jacques de Harcourt et ses gens, quy se deffendirent moult vaillamment.