CHAPITRE CXX V

tranges , car en son ost estoient Franchois; Lombards, Arragonnois, Escochois et Espaignols, envoya partie de ses gens asségier la ville de Crevant, séante sur la rivière de Cure, auprès de la rivière d’Yonne. Quand la dame douagitre, en Bourgongne, en feut advertie, elle le signifia au régent et au mareschal de Bourgongne , quy se mist sus hastivement et à grant dilligence feit tant que à Auxerre s’assemblérent grant nombre de Bourguignons et Anglois pour lever le siége et combattre les Daulphinois. Tous lesquels , ainsy assemblés, conclurent que ils yroient combattre leurs ennemis. Et si firent publier que Bourguignons et Anglois fuissent en armes, en union et sans noise, sur peine de mort.

Liem, fut ordonné que sy tost que ils viendroient au lieu de la bataille, que chacun descendist à pied et que les chevaulx fussent menés demy-lieue loing arrière de la bataille ;

Llem, que chacun euist ung peuchon de huit pieds de long, pour ficher devant eulx en terre, contre l'effort des chevaulx de leurs ennemis ;

Jiem, que nul ne prist prisonniers jusques à che que la bataille seroit gaigniée.

Ilem, que chacun se pourveist de vivres pour deulx jours; et si ordonnèrent à ceulx d'Auxerre de pourveoir leur ost de vivres à toute diligence ;

Jiem, que tous se meissent ceste nuyct en oraison et prières, le plus dévotement que ils pourroient, attendants lendemain la grasce de Dieu de vie ou de mort.

Quand che vint lendemain, environ deulx beures après midy, Anglois et Bourguignons se partirent d'Auxerre, en grant fraternité et unyon, et se logèrent celle nuyct à une lieue près de leurs ennemis ; et lendemain se mirent à chemin tous ensamble pour trouver leurs ennemis, lesquels s'estoient tenus trois jours et trois nuycis sur une montaigne, en bonne ordonnance et en grant nombre, et avoient laissé partie de leurs gens en leur siége devant Crevant{. Anglois et Bourguignons s’en allèrent mettre en ordonnance devant eulx, sy que entre ces deulx osts n’y avoit que la rivière d'Yonne. Les Daulphinois descendirent de leur montaigne en ordonnance de bataille, et furent en che point les ungs devant les aultres bien

(1) Cravau.

trois heures, sans aultre chose faire, la rivière entre les deulx osts. Et entre tant aulcuns Anglois gaingnèrent le pont de Crevant, et s’en allèrent envahir leur ennemi sans barguigner, et les aultres passèrent la riviere le mieulx qu'ils peurent ; et ceulx de dedans saillirent aussy sur les Daulphinois, sy que ils feurent envahis de toutes parts; et tellement feurent combattus que ils perdirent la bataille, et se meirent en fuite et en déconfiture. En celle bataille feurent occis plus de trois mille Escochois, quy estoient au front devant ; et se rendit prisonnier leur connestable au seigneur de Chastellus. Le bastard de la Baulue et aultres pluiseurs Daulphinois feurent occhis en ceste bataille. Les Espaignols, Lombards et Gascons s’enfuyrent ; et furent occhis en celle bataille plus de quatre mille Daulphinois, et de prins environ deux mille. Et lors tantost apprès feut faict un mectre quy s’enssieult :

Fine Julii cecidit Delphini turma Crevanii.

Apprès celle bataille de Crevant, les comtes de Salbry et de Suffort, avecques leurs Anglois, se tindrent au siége de Mont - Aguillon, en Champaigne, que tenoient aucuns aultres Anglois ; mais les Daulphinois ne tindrent guaires la place depuis la venue des comtes dessusdits et se rendirent.