CHAPITRE CXX VI
comment le Crotoy fut rendu au régent de France; et de la mort de messire Jacques de Harcourt.
Or convient parler du siége de Crotoy, où messire Jacques de Harcourt estoit asségié.
Vray est que les Anglois de la frontière de Calais tenoient siége devant le Crotoy ; c'est assavoir messire Raoul le Bouteillier et aultres, de l'ordonnance du régent. Durant lequel siège ils firent fossés en terre pour leur seurté, contre le traictié et contre la tempeste du temps, qui moult estoit divers. Durant lesdicts sièges, ceulx de dedans firent pluiseurs saillies et escarmouches ; mais lorsque ils virent que leurs vivres pourrissoient, et que n’avoient plus de bois à faire feu, ils se prindrent à parlementer pour venir à aulcun bon traictié; à quoy ceulx de dehors entendirent légièrement et vollentiers, pour cause des grants pluies qui ne cessoient ceste saison, depuis la fin d'aoust, qui
SAINT-REMWY, [1423
leur faisoit trop grant destourbier { ; et finablement, traictié y fust trouvé par la manière qu'il s'ensuit, c'est assavoir que s'ils n’estoient secourus du daulphin, et dedans le premier
jour, ils rendroient ladicte place au régent ou
à ses commis.
Jiem, que messire Jacques de Harcourt et les aulitres hommes de guerre s’en polroient aller où ils vouldroient, saufs ct réservés ceulx qui auroient esté coupables de la mort du duc Jehan de Bourgongne.
Item, qu'ils laisseront leurs prisonniers bretons.
Item, ‘que ceulx de Crotoy pourront aller ledict temps durant en marchandises à Sainct- Wallery, à Rue et à Abbeville, par mer, acheter vivres et aultres denrées, par si qu'ils ayent congié de leurs capitaines; et pareillement ceulx du parti des Anglois pourront aller au Crotoy, si qu'ils ayent congié du capitaine.
liem, que ceulx de Crotoy ne mettront en leur ville et forteresse aultres gens de guerre que ceulx qui y sont durant lesdits traictiés.
Pour touttes les présentes conditions tenir et assurer , ledict messire Jacques bailla certains pleiges. Après lequel traictié ainsi faict et accordé par les parties dessusdictes, ledict messire Jacques de Harcourt envoya ses deux frères, c’est assavoir l’évesque d'Amiens et messire Christophe de Harcourt, quérir ses enfants à Haverech , en Haynault, lesquels il eust de la seule fille et héritière du comte de Tancarville, vicomte de Melun et seigneur de Montreuil-Bellay ; et, par sesdicts deulx frères, les envoya audict Monstroeul - Bellay. Et puis, quand il eust touttes ces choses achevées, il recommanda la ville et le chastel du Crotoy, à messire Cocquart de Cambronne, chevalier, et à aulcuns aultres gens, et entra en mer garni de infinies pécunes et joyaulx, et aultres rapines que il eust acquises durant ceste guerre; et mena avec lui le seigneur de Herselaer, et aulcuns aultres gentishommes ses plus privés, et s’en alla armer au Mont-Sainct-Michel ; et de là s'en alla par les rivages, tant que finablement il arriva à Monstroeul-Bellay, là où il trouva ses enfants ; et de là s’en alla devers le daulphin; puis alla à Pertenay voir le seigneur de Pertenay, prochain parent de ses en-
(1) Mal.
fants , lequel seigneur néantmoins tenoit le party de Bourgongne; et le voulloit , ledict messire Jacques, tourner Daulphinois, ou par amour ou par force. Et advint, culx estants audict chastel de Pertenay, que ledict messire Jacques lui entama la matière pour le faire tourner Daulphinois. Adonc, quand il veit qu'il ne le polvoit muer, il le fist prisonnier du daulphin, en mettant main sur lui; et entre tant ceux qui feurent entrés dedans le chastel avec luy se prindrent à tuer les portiers et aulcuns aultres de léans, et cloyrent les portes ; mais ne les cloyrent pas bien; car ceulx de la ville, si tost qu’il surent celle besongne, se armèrent et s’en coururent au chastel et entrèrent dedans. En leur venir tuèrent Jehan de Franchières et Gillot Cornet, et mesmement ledit messire Jacques de Harcourt, et aulcuns aultres, jusques au nombre de vingt-sept personnes. Quant ceulx que messire Jacques olt mis en embusche auprès du chastel sceurent le meschief à eulx advenu, ils se sauvèrent le mieulx qu'ils purent. Ainsi fina messire Jacques de Harcourt, chevalier, seigneur de Mont-Gomey et de Noyelle sur la mer; et perdit sa vie meschamment, cuidant decepvoir le seigneur de Pertenay, dont ses enfants devoient estre héritiers.
Le régent de France alla à Amiens à grant compaignie de ses gens d'armes et de traict, tant pour tenir les journées devant le Crotoy, qui estoit traictié, comme pour avoir parlement avecques le duc de Bourgongne et le duc de Glocestre, qui lors avoit espousé Jacques de Bavière, comtesse de Haynault, laquelle avoit laissé son mary, le duc de Brabant et d'Amiens. S’en alla le régent à Abbeville, et envoya tenir les journées au Crotoy par messire Raoul Bouteillier, chevallier anglois, auquel il bailla touttes ses gens d'armes pour combattre ses ennemis se ils y venoient, et pourche que nul n’y comparust, fust la place rendue aulx Anglois. Ces choses ainsi faictes, le régent s’en retourna de Abbeville à Amiens, où estoient venus les ambassadeurs du duc de Brabant ; et, tantost après, y vint le duc, et furent en conseil par pluiseurs journées ; mais ils ne purent ceste fois rien conclure ; et, pour ceste cause, assignèrent aultre jour à iceulx ambassadeurs, pour estre à Paris à la feste de la Trinité ; puis se partirent d'Amiens.
