CHAPITRE CXX VII

Comment messire Jehan de Luxembourg asségia la ville de Guyse; et comment la ville de Yvrey-la-Cauchie feut rendue aux Anglois par faute de sccours.

Messire Jehan de Luxembourg, capitaine de Picardie et gouverneur d’Arthois, se mist en peine de conquerre la comté de Guyse, qui lui ot esté donnée par le roy d'Angleterre et le régent de France ; et, par le congié du duc, assembla grand nombre de gens de guerre; et eulx en ladicte comté entrée, et y print pluiseurs forteresses; puis s’en alla, par l’ordonnance du duc, asségier puissamment la ville de Guyse. Donc quand ceulx de dedans sceurent sa venue, ils ardirent leurs faubourgs, et bien quatre cents maisons, et puis ils mirent leurs murs à deffense ; et en estoit capitaine Jehan, seigneur de Proissy. Lesquels envoyèrent signilier leur estat au duc de Bar, leur seigneur, et au duc de Lorraine, son beau-père, pour avoir secours. En ce mesme temps, fut Yvrey-la-Cauchye asségiée par les Anglois ; devant laquelle fust prins jour à rendre ou de combattre ; et jour assigné à la veille de l’Assomption Nostre-Dame, l’an mil quatre cents vingt-quatre. Auquel jour le régent comparut, accompaignié des comtes de Salbry et de Suffort, des barons de Willeby et de Scalles, et bien deulx mille huit cents hommes d'armes, et huit mille archiers bien habillés et estoffés. Et si y estoient du party de Bourgongne le seigneur de l'Isle-Adam et le baron de Moy, auxquels le régent bailla pour le jour à porter la banniere de France; et il leur bailla cent chevalliers et escuyers, tant de l’hostel du duc comme d’aultres, pour les accompaigner. Le régent se tint en la place ordonnée tout le jour, jusques à lendemain à onze heures, attendant illec ses ennemis, qui estoient à trois lieues prés de lui, en nombre, comme l’on disoit, de vingt - quatre mille combattants; desquels estoit capitaine le duc d’Allenchon, mes-

‘sire Jehan de Harcourt, le comte d’Aumarle, le

viscomte de Nerbonne, le comte de Douglas et le comte de Boquehen, Escochois, et moult d’aultres grantsseigneurs ; lesquels n’approchèrent point plus près pour combattre. Ceulx d'Yvrey, véants le jour passé de rendre ou

(1) Buchan.

combattre, se partirent à touttes leurs bagues, et rendirent la ville et chastel et tous leurs prisonniers, ainsi que traictié estoit. La reddition faicte, le régent y mist un vaillant chevallier de Galles, pour garder ladicte ville et chastel. Ce mesme jour de l’Assomption de Nostre- Dame, se partist le régent pour trouver ses ennemis, lesquels s’estoient partis et retraits en la comté de Perche. Et trouva manière d'entrer par fraude en la ville et chastel de Verneul avecquesses Anglois ; car les Bourguignons l’avoient laissé par son congié et estoient retournés devers le duc.