CHAPITRE CXXVIII
Comment les Daulphinais feurent desconfits en bataille par le regent de France, près de Yerncuil, ou le duc d'Allenchon feut prisouuicr, et pluiscurs aultres.
Il est vray que le régent, assez près de Verneuil, trouva ses ennemis rengiés en une bataille seulement; et lors quil les veit en che point, fit de ses gens une bataille, et puis les fit tous descendre à pied, et loyer ! partie de leurs chevaulx, et attachier ensemble derrière la bataille, en manière de haie, par celle manière qu’ils ne se povoient aller avant ; et furent ordonnés cinq cents archiers, armés légièrement, pour garder les chevaux et bagaiges. Ces choses ainsy faictes, les Anglois approchèrent leurs ennemis pour combattre; et à l’approchier, jectèrent archiers un ery, commenchants à tirer sur les Daulphinois. Si commencha la bataille dure et cruelle, d’une partie et d’aulitre, mais trop plus des Daulphinois que des Anglois ; car commeu ne grand’ route de Daülphinois entendirent à gagner les chevaulx et bagages des Anglois, et les archiers ordonnés pour gätder iceulx chevaux et bagages, se prindrent à tirer contre eulx par telle vertu, qu’ils les mirent en desroy, par l’effroy de leurs clievaux qui craignoient le traict des Anglois. Entre temps, se combattoient à la bataille, Daulphinois et Anglois, par si grand vertu que la chose fut en bransle; mais finablement les Anglois obtinrent la victoire. Et là furent les Escochois loës de bien combattre ; mais enfin furent desconfis; néantmoins ne fut point sans grand” perte pour les Anglois. Et en
(1) Lier.
icelle bataille furent morts les comtes de Douglas et de Boquehen#, Escochois, et messire Jacques de Boquehen , fils dudit comte, le comte d’Aumarle, le comte de Mari, Lombard, le comte de Tonnoire, le visconte de Nerbonne et le comte de Vantadour, l’ancien seigneur de Granville, messire Jehan de Montenay, le scigneur de Bellay, messire Gilles de Gamaches et le seigneur de Thionville; le seigneur de la Fayette fut trouvé vif entre les morts et fut détenu prisonnier ; le seigneur de Crenville, messire Anthoine de Beauseault et pluiseurs aultres jusques au nombre de cinq mille hommes, mais plus d’'Escochois que d’aultres gens; et sy feurent prins le duc d’Allenchon, le seigneur de Hommet, messire Loys de Moyecourt et pluiseurs aultres. Après celle desconfiture, le régent se logea auprès des murs de la ville de Verneul , jusques ès lendemain que la ville et chastel se rendirent à luy. Ceste bataille fut en ung jeudy vingt-cinquiesme jour d'avril, l'an mil quatre cents vingt-quatre.
