CHAPITRE CXXIX

Comment la ville de Guyse se rendit à messire Jehan de Luxembourg quy de là eu avant se nomma comte de Guyse.

Or faut revenir à parler de messire Jehan de Luxembourg , qui tenoit siége devant la ville de Guise. Ceulx de layens, véants que ils n’avoient plus d'espérance d’avoir secours et que le siège avoit longuement duré, ils eulrent advis de prendre appoinctement avec messire Jehan de Luxembourg ; c'est assavoir que ils rendroient la ville au premier jour de mars prochain en suivant au cas qu’ils n’auroient secours en ce jour sy puissant que pour combattre ; et se partiroient, saufs leurs corps et leurs biens; et auroïicent un mois de induces # a vuidier leurs biens apprès le jour de ladite rendition ; et se aulcuns voulloient demourer et faire serment à messire Jehan de Luxembourg, ils demoureroient paisibles. Ces choses ainsi traictées , ledit messire Jehan retourna atout ses gens de guerre chascun en leurs places ; et fut iceluy traicté faict en octobre. Et pour abrégier , quand ce vint le premier jour de mars ensuivant, ceulx de Guise n’eu-

(1) Buchan. (2) Trèves.

rent point de secours, et se rendirent à messire Jehan de Luxembourg, quy de là en avant se nomma comte de Guyse.