CHAPITRE CXXX VII

Comment le duc de Glocestre se partit, et comment le duc de Brabant assegia la ville de :Mons, en Haynault; du traictié faict audict sicge, par lequel dame Jeanne de Bavière fut baillée en garde au duc de Bourgongne.

Or est vrai que le duc de Glocestre, véant qu'il estoit venu à gaige de bataille, il tint un grand conseil en la ville de Mons, auquel estoit la comtesse de Haynault, mère de la duchesse sa femme, et pluiseurs gentilshommes et seigneurs du pays, auxquels il recommanda la duchesse sa femme, et leur pria qu'ils en feissent bonne garde; et aucun pou d’Anglois laissa avec elle. Et depuis, par le moyen des scellés et promesses qui estoient entre le duc et luy, touchant le gaige de la bataille, il se partit de Mons ; et franchement s’en alla, luv et les Anglois qui avec luy estoient, et print son chemin droit à Calais, et là monta en mer pour aller en Angleterre. Après qu'il fut arrivé en la cour du roy d'Angleterre, il fist requeste par laquelle il remonstra comment il estoit obligé par son scellé d’estre à droit devant le duc de Bethfort, régent de France, à l'encontre du duc de Bourgongne, pour combattre de sa personne contre la sienne. De laquelle chose le roy d'Angleterre et ceulx de son conseil furent fort desplaisants ; et fut grandement blasmé par le conseil du voyage qu'il avoit entreprins, et des termes et débats qu'il avoit prins avec le duc de Bourgongne ; et au surplus luy fut dict que touchant son faict le roy d'Angleterre et son conseil y auroient advis. Or, faut parler du duc de Bourgongne, qui grand désir avoit de essayer son corps allencontre du duc de Glocestre; et à la vérité c’estoit le plus grand désir que il eust en ce monde. Et adfin d’estre prest au jour sainct George, il se tira en la ville de Hesdin où là fit venir pluiseurs armoiers pour forgier le harnas et habillement qui pour son corps lui estoient nécessaires ; et en ce beau parc de Hesdin, qui est l’un des beaux du royaulme, se trouvoient tous les matins pour prendre alaine; et, avecques che, avoit pluiseurs certains lieux et place secrettes où il exercitoit son corps à combattre et faire ses essais. Et là avoit pluiseurs nobles hommes qui luy monstroient la science de combattre et scavoir deffendre, et si y avoit aucuns nobles hommes aussi qui journellement fai-

‘ soient leurs essais, qui de tout leur cœur dési-