CHAPITRE CXXXVIII

e N Q Q e roient estre avec le duc, ou cas que le duc de : qu'ils n’estoient point assez forts; et finable- Glocestre voudroit avoir compagnie d’un ou de ; ment luy dirent qu’il convenoit qu'elle fust

deux à combattre le duc; et quant aux habillements que le duc fit faire pour estre paré au jour de la bataille, je crois que il ne sera point trouvé que oncques prince eust tel ne si riches ; c'est assavoir en pavillon couvert de bannières, de chevaux et cottes d'armes. Et qu’il soit vrai, je appelle à témoignage ceulx qui les véirent au chastel de Lille en Flandre, où ils estoient encore l’an 1460. Que vous dirai-je ? Oncques prince n’eust plus grand désir de soi trouver en champ clos et gaige de bataille que avoit le duc. Pendant lequel temps que icelles choses se faisoient, et tantost après que le duc de Glocestre se fust parti du pays de Haynault pour aller en Angleterre, le duc de Brabant assembla grand’ armée et entra au pays de Ha ynault; et tant fit qu'il asségia la ville de Mons, où la duchesse estoit. Icelle ville fut fort oppressée de toutes parts; et de faict une belle fontaine qui sert la ville, venant de bien loing, fut rompue, et le cours de l’eau du tout osté. Ne demoura gaires de temps après que le siége avoit esté mis, que une journée se tint en la ville de Douay, où le duc estoit. Et la veinrent devers luy le duc de Brabant son frère, le comte de Sainct-Pol et la comtesse de Haynault, douaigière, mère de la duchesse de Glocestre; et aussi y furent des eschevins et depputés de la ville de Mons; et là fut, par grande et meure délibération, faict un appointement ; c’est assavoir que ceulx de la ville de Mons bailleroient la duchesse de Glocestre en la main du duc, qui la devoit garder et faire garder en son pays de Flandres, moyennant une somme d’argent que elle devoit avoir de son pays de Haynault, de Hollande et Zellande, pour son estat tenir. Et devoit ladicte dame estre et demourer audict pays de Flandres, tant que le procès d’entre les deux ducs de Glocestre et de Brabant estant à court de Romme avoir prins fin; et, moyennant icelluy traictié, le duc de Brabant renvoyeroit ses gens, qui devant Mons estoient, en son pays de Brabant, par si que il joyroit des terres et seigneuries de Haynault, Hollande et Zellande. Quand la duchesse de Glocestre sceut l’appointement, bien cuida mourir de doeul, requérant à ceulx de Mons qu'ils la voulsissent garder, ainsi que promis l’avoient; à quoi ceulx de Mons respondirent

menée en la ville de Gand, comme elle fut ; et par tant fut paix pour ceste heure au pays de Haynault.