CHAPITRE CXLV

Comment Anglois furent desconfits au siége de Montargis.

Le régent de France fit par les Anglois asségier la ville et forteresse de Montargis, séant sur la rivière de Loing, et furent à ce siège pluiseurs grant seigneurs. Si se mit sus le comte de Richemont, connestable de France, et chevaucha toute une nuict bien vingt lieues; avecques lui messeigneurs Charles de Bourbon, le bastard d’Alenchon, et pluiseurs aultres ; et vindrent soubdainement envahir le moindre siége et le desconfirent incontinent, et puis l’aultre siége ; et furent occhis desdits deulx siéges plus de sept mille hommes. Le comte de Warvick et de Sufforcq et pluiseurs aultres se saulvèrent.